+10 °С
Болотло
Хәтерегеҙгә төшөрәбеҙ, кисә Баймаҡта "ВАЗ 2107" машинаһы пиццерия алдында ҡыҙҙы бәрҙерә. Бахыр ҡыҙ бала һауаға осоп китә һәм ергә килеп төшә. Билдәле булыуынса, рулдәге ҡатын тормоз менән газ рычагтарын бутаған.
Баҡтиһәң, тәү ҡарашҡа үҫмер кеүек күренгән ҡыҙға 22 йәш. Әлегә ул дауаханала. Йәш ҡыҙ спортсы ла булып сыҡҡан: баскетбол менән шөғөлләнә.
Ә бына водителгә килгәндә, ҡатындың бер ҡасан да водитель таныҡлығы булмауы асыҡланған. Йәғни ул ялған документ менән йөрөгән. Әлегә осраҡ буйынса тикшереү бара.
Фото: асыҡ сығанаҡтан.