Әбйәлилдә тағы ла ғәрәсәт үткән

Быйылғы йәй үҙенең һынауҙарын дауам итә. Кисә Өфө ҡалаһы, Йәрмәкәй, Миәкә һәм башҡа райондар һыу ҡамауында ҡалһа, бөгөн Әбйәлил районында тағы ла көслө дауыл үткән.

Был юлы ғәрәсәт эҙемтәләрен Йәнгел ауылы халҡы кисергән. Көслө дауыл күп кенә йорттарҙың, мәктәп ҡыйығын алып ташлаған, шәхси хужалыҡтарҙың кәртә-ҡураһын емергән, ҡоймаларҙы ауҙарған.

Әбйәлилдә бындай ҡот осҡос хәл тәүге тапҡыр ғына күҙәтелмәй. Ысынлап та, ни булған һуң быйылғы йәйгә?

Фото һәм видео: Телеграм.