Октябрь аҙағы Башҡортостанда ямғырлы була

Синоптиктар хәбәр итеүенсә, бөгөн, 29 октябрҙә, бер аҙ ямғыр яуыуы ихтимал. Ел көньяҡтан талғын. Һауа температураһы +7, +12°.

Кесаҙна, 30 октябрҙә, ямғыр яуыуы көтөлә. Ел көньяҡтан, төньяҡ-көнбайыштан талғын. Һауа температураһы төндә +1, +6°, көндөҙ +4, +9°.

Йома, 31 октябрҙә, төндә бер аҙ ямғыр яуыуы мөмкин, көндөҙ урыны менән бер аҙ ямғыр, көнсығыш райондарҙа ҡар ҡатыш ямғыр фаразлана. Ел көнбайыштан, төньяҡ-көнбайыштан талғын. Һауа температураһы төндә -1, +4°, көндөҙ +2, +7°.

Башинформ