Республикала ҡар яуыуы көтөлә

Республикаға килгән йәйге йылы оҙаҡҡа барманы. Башгидромет мәғлүмәте буйынса, 25 сентябрҙән Көньяҡ Уралға төньяҡ киңлектәрҙән һалҡын һауа яҡынлаша.

Арктик фронт үтеү менән һауа температураһы көндөҙгө сәғәттәрҙә +11,+16° тиклем түбәнәйә, көньяҡта +20,+25° йылы һаҡлана.

Аҙна аҙағында һалҡын һауа торошо, урыны менән 0, -5° тиклем һалҡынайтыуы, ҡырау төшөүе көтөлә, көндөҙ +5, +10°. Шулай уҡ аҙнаның икенсе яртыһында ямғыр яуыуы фаразлана.

Республиканың төньяҡ һәм таулы райондарында аҙна һуңында ҡар ҡатыш ямғыр яуыуы ихтимал, тип хәбәр итә синоптиктар.