Алдағы көндәр ниндәй булыр?

Башҡортостанда алдағы өс көн +32 градусҡаса эҫе була. Башгидромет мәғлүмәте буйынса, республикала урыны менән йәшен йәшнәүе, елдең секундына 15 метрға тиклем көсәйеүе көтөлә.

Бөгөн төндә яуым-төшөмһөҙ, көндөҙ урыны менән бер аҙ ямғыр, йәшен. Ел төндә көньяҡтан көсһөҙ, көндөҙ уртаса, урыны менән көсәйеүсән. Һауа температураһы төндә +13,+18°, көньяҡ-көнсығыш буйынса +7,+12°, көндөҙ +27,+32°.

11 июндә төндә яуым-төшөмһөҙ, көндөҙ урыны менән ҡыҫҡа ваҡытлы ямғыр яуа, йәшен. Ел көньяҡтан, көньяҡ-көнсығыштан талғын, көндөҙ урыны менән көсәйеүсән. Һауа температураһы төндә +12,+17°, көнсығышта +7°, көндөҙ +26,+31°.

12 июндә урыны менән ҡыҫҡа ваҡытлы ямғыр, йәшен, көндөҙ боҙборсаҡ яуыуы ихтимал. Ел көньяҡтан, көньяҡ-көнсығыштан талғын, көндөҙ урыны менән көсәйеүсән. Һауа температураһы төндә +12,+17°, көнсығышта +7°, көндөҙ +24,+29°.

Фото: Ф.Рәхмәтуллина.