Башҡортостанға яҙғы йылы ҡасан ҡайтыр?

Башҡортостанда һауа торошо ҡапыл боҙолдо. Һауа температураһы түбәнәйҙе һәм бурап-бурап ҡар яуҙы.

Башгидромет синоптиктары быны Каспийҙың төньяғында барлыҡҡа килгән циклондың Көньяҡ Уралға күсеүе менән аңлатты, был Башҡортостан биләмәһенә төньяҡ райондарҙан һалҡын һауа массаларына инеү мөмкинлеген аса.

11 апрелдә республиканың күпселек райондарында, көнбайыштан тыш, ямғыр һәм епшек ҡар яуыуы көтөлә. Урыны менән көслө ямғыр һәм ҡар яуыуы, айырым райондарҙа боҙлауыҡ, тимер сымдарға һәм ағастарға епшек ҡар йәбешеүе көтөлә, юлдарҙа боҙлауыҡ булыуы ихтимал.

Әммә бындай һауа торошо оҙаҡҡа бармай. Алдағы ял көндәрендә үк атмосфера баҫымы күтәрелә башлаясаҡ. Бер аҙ ямғыр, төндә ҡар ҡатыш, урыны менән генә үтәсәк. Көндөҙ һауа температураһы +6, +12 градусҡа тиклем күтәреләсәк.

Республиканың таулы йылғаларында көслө яуым-төшөм арҡаһында һыу кимәленең артабан күтәрелеүе көтөлә. Йылғаларҙың һыу баҫыу ихтималлығы юғары.

Гисметео порталы мәғлүмәттәре буйынса, киләһе аҙнанан республикаға ысын яҙғы йылы — +15, +20 градусҡаса ҡайта. Апрелдең икенсе яртыһында ла, майҙың беренсе яртыһында ла һауа температураһының һиҙелерлек түбәнәйеүе көтөлмәй.

Әлиә Хужәхмәтова фотоһы.