Остаздарыма рәхмәтлемен

Остаздарыма рәхмәтлемен

Мифтахетдин Аҡмулла исемендәге Башҡорт дәүләт педагогия университе­тында «Мәғариф системаһында туған тел, мәҙәниәт һәм әҙәбиәт: традици­ялар һәм инновациялар» темаһына фәнни-ғәмәли конференция булып уҙҙы.

 Ул Башҡортостан Республикаһы мәғариф һәм фән министрлығы менән берлектә билдәле юғары мәктәп уҡы­тыусылары профессорҙар Әхмәр Аҙна­баев менән Рәшит Әлмөхәмәтовтың тыуыуына 90 йыл тулыу уңайынан ойошторолдо. Был сарала ошо уни­верситетты тамамлаған элекке сту­дент, бөгөнгө Бишауыл-Уңғар мәктәбе уҡытыусыһы булараҡ миңә лә ҡатна­шыу бәхете тейҙе. Ошо хаҡта үҙемдең тәьҫораттарым менән уртаҡлашам.

Был фәнни-ғәмәли конференция бик йөкмәткеле булды. Уның тәүге өлөшө пленар ултырыш формаһын­да уҙһа, икенсе өлөшө түңәрәк өҫтәл рәүешендә үтте. Сығыш яһаусылар Әхмәр Аҙнабаев менән Рәшит Әл­мөхәмәтов хаҡында иҫтәлектәре менән уртаҡлашты. Улар был шәхестәрҙең киң эрудициялы ғалим, талапсан уҡы­тыусы булыуын билдәләне. Ошондай бөйөк кешеләрҙән төплө педагогик, һөнәри һәм методик белем, тормош тәжрибәһе алыуға өлгәшкән студент­тар заманында бик бәхетле булды. Бө­гөн улар республикабыҙҙың мәғариф системаһында төп көстәр булып, ос­таздары традицияларын лайыҡлы да­уам итә. Мин үҙем дә ошо һәм башҡа остаздарыма сикһеҙ рәхмәтлемен.

Ғәлиә ВӘЛИЕВА.

Бишауыл-Уңғар мәктәбе уҡытыусыһы.