Йылы осрашыуҙар булып торһон

 Ауыл мәктәбендә уҙған осрашы­уҙа уҡыусылар, ата-әсәләр, ауыл халҡы ҡатнаша. Тимерғәле Рәлис улы эшҡыуарлыҡ эшен башлап ебәргән саҡта килеп тыуған ауыр­лыҡтарҙы, уларҙы нисек итеп еңеп сығыуы тураһында бәйән итә.

- Балаларҙы бигерәк тә махсус хәрби операция биләмәһенә гуманитар ярҙамды оҙатып барған саҡтағы, Донецк Халыҡ Республикаһы балалары менән осрашҡандағы уй-тойғолар ҡыҙыҡһындырҙы. Мәк­тәп уҡыусылары әҙерләгән йәмле концерт программаһы барлыҡ ҡу­наҡтарҙың күңеленә хуш килде.

Был осрашыуҙа көтөлмәгән бер хәл ҡыуандырҙы – мине пионерға алдылар! Шулай уҡ уҡыусылар беҙ­гә үҙҙәренең ҡулы менән эшләнгән бүләктәр тапшырҙы. Барыбыҙҙың да күңеле булды. Ошондай матур осрашыу ойошторғандары өсөн Үтәгән мәктәбе уҡыусыларына һәм уҡытыусыларына рәхмәтлебеҙ, - тип белдерә Яңы Ҡыйышҡы ауыл Со­веты хакимиәте башлығы Фәнзиә Өмәтҡолова.

- Үтәгән ауылы мәктәбендә осрашыуҙа булдым. Уҡыусыларҙың һорауҙарына яуап биргәс, спорт ярышында ла ҡатнаштым. Мәк­тәп коллективының Башҡортостан пионерҙары сафына алыу йолаһы буйынса миңә тағы бер тапҡыр пионер галстугы тағыу бәхете тей­ҙе. Ҙур булмаған Үтәгән ауылын­да бик әүҙем халыҡ йәшәй. Килеп тыуған проблемаларҙы хәл итеүҙе улар һәр ваҡыт татыу башҡаралар. Шулай уҡ күмәкләшеп төрлө са­ралар үткәрәләр, МХО-ға ярҙам итәләр. Күптән түгел маскировка селтәрҙәре үреү штабы асҡандар, яугирҙәргә посылкалар әҙерләйҙәр, мәктәптә әүҙем рәүештә балаларҙа илһөйәрлек тойғоһо тәрбиәләү эшен алып баралар. Бигерәк тә бер йәш артистың сығышы күңелемә үтеп инде. Уның менән һуңыраҡ таныштырырмын, - тип яҙа был осрашыу хаҡында социаль селтәрҙә Тимерғәле Ураҙғолов.

Ошондай йылы осрашыуҙар киләсәктә лә булып торһон!