Ҡан баҫымы нормаға килер, эс ҡаталауы, ашҡаҙан һәм һейҙек ҡыуығы ауыртыуы бөтөр

Укроп һыуын эсһәң, юғары ҡан баҫымы нормаға килер, эс ҡаталауы, ашҡаҙан һәм һейҙек ҡыуығы ауыртыуы бөтөр.
Сәйнүккә 1 аш ҡалағы укроп орлоғон һалып, ярты литр ҡайнар һыу ҡойоғоҙ. Өҫтөн таҫтамал менән томалап, 40 минут төнәтегеҙ.
Көнөнә кәм тигәндә ете-ун тапҡыр 3-әр уртлап эсегеҙ.
Шуныһы мөһим: ашаған саҡта эсергә кәрәк. Ас ҡарынға һәм ныҡ итеп ашап алғандан һуң ярамай.
Дауаланыу курсы – бер аҙна. Унан профилактика өсөн бындай төнәтмәне айына 2-3 тапҡыр эсергә кәңәш ителә.
Һанап үтелгән ауырыуҙарҙан тыш укроп орлоғо төнәтмәһе шулай уҡ йүтәлдән, бронхиттан, тамаҡ ауыртыуынан, йоҡоһоҙлоҡтан да ярҙам итә.
Һау булайыҡ!

"Башдонъя"нан