Был оло сауаплы эште үткәреү сараһына ауылым халҡы ла, ситтән был көндө ҡунаҡҡа ифтарға килгән барыһы ла үҙҙәренең тос өлөшөн индерҙе. Кемдер ашҡа итләтә ярҙам итергә тырышһа, башҡа хужабикәләр табынға ҡоймаҡ, пирогтар, төрлө ҡамыр ризыҡтары бешереп килтергәндәр ине. Бик күптәр өҫтәлгә үҙҙәре килтергән төрлө емештәрҙе сығарып турап теҙҙе. Хәләлдән булған һый-ниғмәт менән өҫтәлдәребеҙ һығылып торҙо, Хоҙайға шөкөр. Бер генә ауылдашым да буш ҡул менән килмәгән ине, рәхмәт һеҙгә, сауаптары булһын!
Үҙ ваҡыты етеү менән мәсетебеҙгә ир-аттарыбыҙ һәм ҡатын-ҡыҙҙар килә башланы. Ситтән ҡайтҡан ауылдаштарыбыҙ ҙа күренде. Фытыр саҙаҡаһын һалыусылар ҙа булды. Бар халыҡтың шатланып, ғорурлыҡ кисереп ултырғаны һиҙелә ине. Шулай булмай ни, ауыл бәләкәй булыуға ҡарамаҫтан, ифтарға 12 ир-ат һәм 22 ҡатын-ҡыҙ йыйылыуы ҙур сауапҡа эйә булған, мөхтәрәм хөрмәтле эш ине.
Тәғәйен ваҡыт еткәс, кемдәр ураҙала, һыу эсеп, емеш ҡабып алғас, хәҙрәттәребеҙ аҡшам намаҙын уҡып алды. Был арала ҡыҙҙарыбыҙ аш өләшеп сыҡты, төрлө емештәр, тәмле-татлы ризыҡтар менән сәй ҙә эсеп бөтөп доға ҡылыуға, Сәғит һәм Тәлғәт хәҙрәттәребеҙ әхлаҡ-тәрбиәгә ҡағылышлы вәғәздәр һөйләп үтте.
Артабан һәр көндәгесә барыһы ла теүәл итеп үҙ ваҡытында үтәлә торған Йәстү һәм Тәрәүих намаҙҙарына баҫырға ла сират етте. Ир-егетләребеҙ ҙур залда, ә ҡатын-ҡыҙҙарыбыҙ бер ситтә уларҙан айырмалы булараҡ шаршау эсендә намаҙға баҫты. Шундай матур, һоҡланғыс күренеш ине был, мәсет эсе ауылдаштарым менән тулы, барыһының да йөҙө шат-нурлы. Йылдан-йыл әкренләп булһа ла, тәүбә итеп намаҙға баҫыусыларҙың, ураҙа тотоусыларҙың һаны арта барыуы бигерәк ҡыуаныслы. Шулай уҡ, байрам табынын әҙерләшергә ярҙам итеүсе ауылыбыҙҙың егәрле, уңған мөслимәләренә лә рәхмәтен яуҙырһа ине, Аллаһы Тәғәлә.
- Илебеҙгә оҙаҡ көткән тыныслыҡ ҡайтһын, күктәребеҙ аяҙ, барыбыҙ ҙа имен-һау, һәр йортта, һәр ғаиләлә ырыҫ һәм бәхет, изгелек булһын ине. Амин!
Зөлфиә Әсфәндийәрова.
Үтәгән ауылы.
Үҙ ваҡыты етеү менән мәсетебеҙгә ир-аттарыбыҙ һәм ҡатын-ҡыҙҙар килә башланы. Ситтән ҡайтҡан ауылдаштарыбыҙ ҙа күренде. Фытыр саҙаҡаһын һалыусылар ҙа булды. Бар халыҡтың шатланып, ғорурлыҡ кисереп ултырғаны һиҙелә ине. Шулай булмай ни, ауыл бәләкәй булыуға ҡарамаҫтан, ифтарға 12 ир-ат һәм 22 ҡатын-ҡыҙ йыйылыуы ҙур сауапҡа эйә булған, мөхтәрәм хөрмәтле эш ине.
Тәғәйен ваҡыт еткәс, кемдәр ураҙала, һыу эсеп, емеш ҡабып алғас, хәҙрәттәребеҙ аҡшам намаҙын уҡып алды. Был арала ҡыҙҙарыбыҙ аш өләшеп сыҡты, төрлө емештәр, тәмле-татлы ризыҡтар менән сәй ҙә эсеп бөтөп доға ҡылыуға, Сәғит һәм Тәлғәт хәҙрәттәребеҙ әхлаҡ-тәрбиәгә ҡағылышлы вәғәздәр һөйләп үтте.
Артабан һәр көндәгесә барыһы ла теүәл итеп үҙ ваҡытында үтәлә торған Йәстү һәм Тәрәүих намаҙҙарына баҫырға ла сират етте. Ир-егетләребеҙ ҙур залда, ә ҡатын-ҡыҙҙарыбыҙ бер ситтә уларҙан айырмалы булараҡ шаршау эсендә намаҙға баҫты. Шундай матур, һоҡланғыс күренеш ине был, мәсет эсе ауылдаштарым менән тулы, барыһының да йөҙө шат-нурлы. Йылдан-йыл әкренләп булһа ла, тәүбә итеп намаҙға баҫыусыларҙың, ураҙа тотоусыларҙың һаны арта барыуы бигерәк ҡыуаныслы. Шулай уҡ, байрам табынын әҙерләшергә ярҙам итеүсе ауылыбыҙҙың егәрле, уңған мөслимәләренә лә рәхмәтен яуҙырһа ине, Аллаһы Тәғәлә.
- Илебеҙгә оҙаҡ көткән тыныслыҡ ҡайтһын, күктәребеҙ аяҙ, барыбыҙ ҙа имен-һау, һәр йортта, һәр ғаиләлә ырыҫ һәм бәхет, изгелек булһын ине. Амин!
Зөлфиә Әсфәндийәрова.
Үтәгән ауылы.
