Ауыл урамында атыш ойошторған

Ошо көндәрҙә Кушнаренко ауылы халҡын атыш тауыштары хафаға һалған. Билдәле булыуынса, 21 йәшлек егет маркетплейста пневматик пистолет һатып алған. Һуңынан урамда китеп барған сағында бетон бағанаға атып, күнекмәләр эшләп алырға булған.                                                                                                                                                                                                                      Тик, аҙ ғына ҡыйышыраҡ тоҫҡауы сәбәпле, патрон урындағы колледждың тәҙрәһенә эләккән. Бәхеткә күрә, берәү ҙә зыян күрмәгән.

Осраҡ буйынса полиция хеҙмәткәрҙәре протокол төҙөгән. Шулай уҡ егет уҡыу йортона килтерелгән зыянды ҡаплаясаҡ.

Фото: Благоварские вести.