“Турникеттарһыҙ аҙна” һөнәри йүнәлеш биреү акцияһы бара

“Кадрҙар” милли проекты (национальный проект “Кадры”) буйынса Башҡортостанда 17 октябргә тиклем “Турникеттарһыҙ аҙна” һөнәри йүнәлеш биреү акцияһы үтә. Был хаҡта төбәктең Ғаилә, хеҙмәт һәм халыҡты социаль яҡлау министрлығынан хәбәр иттеләр.

„Өфө моторҙар эшләү етештереү берекмәһе, Күмертау ТЭЦ-ы,“ “Башкирэнерго”, “Гидравлика” һәм Яңы Салауат ТЭЦ-ы кеүек ҙур компанияларҙа балалар талап ителгән һәм юғары түләүле һөнәрҙәр менән таныша. „РИВС“ ғилми-проект берекмәһендә йәки Башҡортостан дәүләт тәбиғәт ҡурсаулығында ғалимдарҙың нимә менән шөғөлләнеүен үҙ күҙҙәрең менән күрергә мөмкин. „Алмағас“ крәҫтиән-фермер хужалығында, Киров исемендәге ауыл хужалығы етештереү кооперативында буласаҡ зоотехниктарҙы, агрономдарҙы, механизаторҙарҙы көтәләр”, — тип билдәләне Башҡортостандың ғаилә, хеҙмәт һәм халыҡты социаль яҡлау министрының беренсе урынбаҫары Юрий Мельников.

Өфөнөң 121-се гимназияһы уҡыусылары янғын һүндереү-ҡотҡарыу часында булды, Илсе ауылы уҡыусылары “Урал таштары” заводы эше менән танышты, ә Салауат индустриаль колледжы уҡыусылары ремонт-механика заводында булды. "Турникеттарһыҙ аҙна" барышында республика уҡыусылары һәм студенттары өсөн 250-нән ашыу сара уҙғарыла. Шулай уҡ “Рәсәй эше” кадрҙар үҙәктәрендә белгестәр йәш ҡунаҡтарға һәм уларҙың ата-әсәләренә һөнәр һайлау һәм карьера трегын моделләштереү мәсьәләләре буйынса консультациялар бирә.

“Кадрҙар” милли проекты белем биреү учреждениеларының, компанияларҙың һәм дәүләттең координацияланған эше ярҙамында белгестәрҙе эш биреүселәр ихтыяжына ярашлы сифатлы һәм оператив әҙерләргә ярҙам итәсәк. 2029 йылға мәшғүллек хеҙмәтенең бөтә селтәрен яңыртыу планлаштырыла — “Рәсәй эше” яңы кадрҙар үҙәктәре асыласаҡ. уларҙа предприятиеларға адреслы ярҙам күрһәтеләсәк, ә дәғүәселәргә эш табырға, карьера тректарын төҙөргә, һөнәри белемдәрен яңыртырға йәки яңы талап ителгән һөнәр алырға ярҙам итәсәк. Яңыртылған милли проекттар РФ Президенты Владимир Путин ҡарары буйынса 2025 йылдан тормошҡа ашырыла.

Фото: "Башҡортостан" ДТРК-һы.