Милләт әсәләре билдәләнде

Был әһәмиәтле конкурста ҡатнашыусы районыбыҙҙың әүҙем ҡатын-ҡыҙҙа­рының барыһы ла финалға сығып, Рәх­мәт хаттары менән бүләкләнде.

Үрге Төкөн ауылынан Сажиҙә Бай­ғусҡарова һәм Иҫке Бәпестән Филүзә Шахморатова “Милләт әсәһе” – күп бала тәрбиәләүсе өлгөлө әсәләр һәм мах­сус хәрби операцияла ҡатнашыусылар әсәләренә арналған номинацияла дипломға эйә булдылар.

“Мәҙәниәт” номинацияһында Иҫке Бәпес ауылында йәшәүсе билдәле шағирә, китапхана мөдире Фирүзә Аб­дуллина билдәләнһә, Яңы Ҡыйышҡы ауылы ирекмәндәре етәксеһе Регина Бикҡолова “Ирекмән” номинацияһында танылыу алды.

“Педагог” номинацияһында Олокүл мәктәбенең башҡорт теле һәм әҙәбиәте уҡытыусыһы Әлфиә Ғәйфуллина, “Оҫта­бикә” номинацияһында Сахай ауылынан өҫтәмә белем биреү педагогы Нәзирә Ғәләүетдинова, “Ағинәй” номинацияһында Һәүәләйҙән махсус хәрби опе­рацияла һәләк булыусы яугирҙең әсәһе Фәүзәнә Мөхәмәтйәнова, “Медицина хеҙмәткәре” номинацияһында район үҙәк дауаханаһы бухгалтеры Рима Хәсә­нова дипломға лайыҡ булды.

Шулай уҡ районыбыҙҙың ирекмән­дәр штабтары вәкилдәре мәртәбәле са­раға үҙҙәренең эштәрен сағылдырыусы ҙур күргәҙмә алып барҙы.