Уҡыусылар Бөйөк Ватан һуғышы ветераны менән осрашты

2024 йылдың 13 февралендә Башҡортостан Республикаһының Салауат ҡалаһында “Йәштәр һәм балалар” милли проектының (национальный проект “Молодежь и дети”) “Беҙ бергә” федераль проекты маҡсаттарына ярашлы, шулай уҡ Ватанды һаҡлаусылар йылына һәм Бөйөк Ватан һуғышында Еңеүҙең 80 йыллығына арналған саралар планын тормошҡа ашырыу сиктәрендә уҡыусылар ветеран-элемтәсе Владимир Пискарев менән осрашты.

Осрашыуҙа Владимир Антонович уҡыусыларға үҙенең ауыр һуғыш йылдары хаҡында хәтирәләре менән уртаҡлашты. Ул һалдаттар араһындағы бәйләнештең мөһимлеген һыҙыҡ өҫтөнә алды һәм бик күп кешеләрҙең яҙмышы бәйле булған элемтәсенең роле тураһында һөйләне. Ветеранды шифрлау кодтарын һәм Морзе әлифбаһын файҙаланып, мәғлүмәтте тиҙ һәм теүәл еткерә белгәне өсөн “хәрби интеллигенция” тип атағандар.

Балалар командала эшләү, бер-береһенә ярҙам итеү һәм тирә-йүндәгеләрҙе ихтирам итә белеү ни тиклем мөһим икәне хаҡында ишетте. Был осрашыу үҫеп килгән быуын өсөн мөһим ваҡиға булды, ул осорҙар шаһиттарының тере хикәйәләре аша илебеҙ тарихына ҡағылырға мөмкинлек бирҙе.

“Ауырлыҡтарҙан ҡурҡмағыҙ, һәр саҡ бер-берегеҙгә ярҙам итеп тороғоҙ. Бергәләп барлыҡ ҡаршылыҡтарҙы еңеп сыға аласаҡһығыҙ. Иптәштәрегеҙҙе ихтирам итегеҙ һәм мөхәббәтте һаҡлап, яуызлыҡтан һаҡланырға тырышығыҙ”, - тип билдәләне Бөйөк Ватан һуғышы ветераны Владимир Пискарёв.

Фото: Салауат ҡалаһы хакимиәте.