Даирә
+20 °С
Болотло
Бөтә яңылыҡтар

Белоруссияға продукция экспортлана

Республикабыҙҙың машиналар эшләү компанияһы хеҙмәттәшлекте нығыта.

Белоруссияға продукция экспортлана
Белоруссияға продукция экспортлана

Иглин районынан “Евнат” машина эшләү компанияһы Белоруссияның “Нефтебитум заводы” нефтехимия компанияһы менән битум составын тотороҡландырыу өсөн ҡорамалдар эшләү һәм ташыу тураһында килешеү төҙөнө. Хеҙмәттәшлек “Халыҡ-ара кооперация һәм экспорт” милли проектына (национальный проект “Международная кооперация и экспорт”) ярашлы башҡарыла, тип хәбәр итә район хакимиәте.

Компьютер моделләүен ҡулланыу өлкәһендә фәнни-техник хеҙмәттәшлек тураһында килешеүгә Белоруссия һәм Рәсәй төбәктәре форумында ҡул ҡуйылды.

“Евнат” – инжиниринг компанияһы, ул ҡорамалдарҙы етештереү, инновациялы эшләнмәләр менән шөғөлләнә. Предприятие сәнәғәт объекттары өсөн ҡарарҙар тәҡдим итә.

“Халыҡ-ара кооперация һәм экспорт” милли проекты Рәсәйҙә етештерелгән тауарҙарҙы экспортлауҙы үҫтереү һәм яңы иҡтисади бәйләнештәрҙе нығытыуға йүнәлтелгән. Милли проекттар Рәсәй Президенты Владимир Путиндың ҡарары буйынса 2019 йылдан тормошҡа ашырыла.

Фото: “Республика Башкортостан” гәзите.

Автор:
Читайте нас: