Тәбиғәт тураһында хәстәрлек бәләкәйҙән башлана

Салауат ҡалаһының 2-се үҫмерҙәр китапхана-филиалы хеҙмәткәрҙәре 4-се урта мәктәптең 2-се класс уҡыусылары өсөн “Беҙ барыбыҙ ҙа – планета буйынса күршеләр” дәрес-викторина үткәрҙе. Сараны “Экология” милли проекты маҡсаттарына ярашлы ойошторҙолар һәм ул яҙғы көн менән төндөң тигеҙлеге көнөнә бағышланды. Был көндө планетаның биологик ритмы үҙгәрә, тәбиғәт уяна һәм яңыра тип иҫәпләнә.

Бындай осрашыуҙар экологик белемде тәрәнәйтә, иғтибарҙы, хәтерҙе үҫтерә, балаларҙа тәбиғәткә ҡарата кешелекле мөнәсәбәт, ерҙәге бөтә йәнлектәр өсөн яуаплылыҡ тойғоһон тәрбиәләй һәм экология, уның кеше тормошондағы роле тураһында тәүге төшөнсә булдыра, тәбиғәткә һаҡсыл мөнәсәбәт тәрбиәләй.

Дәрес башында балалар менән экология, тирә-яҡ мөхиткә һаҡсыл ҡараш кәрәклеге тураһында әңгәмә үткәрелде. Уҡыусыларға балалар өсөн “Малай һәм Ер” экологик йәнһүрәтен күрһәттеләр. Һуңынан балалар викторинала әүҙем ҡатнашты, уның барышында хайуандар, ҡоштар, балыҡтар һәм үҫемлектәр тураһында һорауҙарға яуап бирҙе, ребустар систе, “Фотоһунар”, “Беҙҙә Ер берәү”, “Тәбиғәттә үҙеңде тотоу ҡағиҙәләре”, “Кем тиҙерәк?” конкурстарында ҡатнашты.

“Сара бик ҡыҙыҡлы килеп сыҡты һәм барыбыҙ ҙа тәбиғәт донъяһы ғәжәп, уны һаҡларға, яратырға һәм уның хаҡында хәстәрлек күрергә тейешбеҙ тигән һығымтаға килдек”, – тип билдәләне башланғыс класс уҡытыусыһы Наталья Сазонова.

Билдәле булыуынса, “Экология" (национальный проект “Экология”) милли проекты Рәсәй Президенты Владимир Путиндың май указы менән булдырылды.

Фото: Салауат хакимиәте.