Район хакимиәте башлығы һайланды

Унда РФ Дәүләт Думаһы Федераль Йыйылышы депутаты Павел Качкаев, Дәүләт Йыйылышы - Ҡоролтай депутаты Тимерғәле Ураҙғолов, муниципаль берәмектәр менән бәйләнеш буйынса идаралыҡ начальнигы урынбаҫары Искәндәр Санъяров, Үҙйөрөшлө машиналарҙың һәм башҡа төр техниканың техник торошон күҙәтеү буйынса дәүләт комитеты рәйесе Урал Искәндәров һәм башҡа рәсми ҡунаҡтар ҡатнашты. Ултырышта Ҡырмыҫҡалы районы муниципаль районы хакимиәте башлығын тәғәйенләү тураһында һорау ҡаралды.
Ҡырмыҫҡалы районы муниципаль районы хакимиәте башлығы вазифаһын башҡарыуға конкурс уҙғарыу буйынса конкурс комиссияһы Совет ҡарамағына ике кандидатура тәҡдим итһә, депутаттар берҙәм тауыш менән Әлфир Фәрхәт улы Сабировты һайланы. РФ Дәүләт Думаһы Федераль Йыйылышы депутаты Павел Качкаев йыйылыусыларҙы район өсөн мөһим ваҡиға менән ҡотлап:

- Әлфир Фәрхәт улын район хакимиәте башлығы вазифаһына килгән көндәренән үк беләм. Ул талапсан, етди һәм белемле етәксе. Һәр ваҡыт барлыҡ фекерҙәрҙе лә тыңлап, дөрөҫ ҡарар ҡабул итә белә. Барығыҙҙы ла район башлығы итеп нәҡ Әлфир Фәрхәт улы һайланыуы менән ҡотлайым. Районға уның етәкселеге аҫтында тағы ла ҙурыраҡ уңыштарға өлгәшергә яҙһын, - тине.
Әлфир Сабиров барлыҡ депутаттарға уға ышаныс белдергәндәре өсөн рәхмәт белдерҙе.
Миңә төрлө яҡлап ярҙам иткәнегеҙ өсөн ҙур рәхмәт. Алда беҙҙе күп һәм ныҡышмалы эштәр көтә. Артабан да махсус хәрби операцияла ҡатнашыусыларға һәм уларҙың ғаиләләренә ярҙам итеү, халыҡтың тормош кимәлен яҡшыртыу эшен дауам итәсәкбеҙ, - тине Әлфир Фәрхәт улы.
Әлфир Фәрхәт улын ихлас ҡотлайбыҙ һәм районыбыҙ сәскә атыуы хаҡына эштәрендә уңыштар теләйбеҙ.
Гөлсәсәк Аласова.