Азат Бадрановтың зыялыларға һәм депутаттарға мөрәжәғәте

Риф Ғәбитов етәкселегендәге беҙҙең данлыҡлы өс ир-егет хатта видео яҙҙырған. Республика властарына ультиматумдар ҡуялар, ниндәйҙер инициативалы төркөмдәр тәҡдим итәләр һ. б. Риф ағай, ә халыҡты йәмәғәт акцияларына Һеҙ ҙә саҡырыҙығыҙ бит, һеҙҙе үҙегеҙҙе борсомаймы был хәл? Ысынында һеҙ халыҡты тәртипһеҙлеккә этәреүҙә ҡатнаштығыҙ бит.

Бәлки, кешеләрҙе дәүләткә ҡаршы ҡотортоу менән бәрелешкә дусар итеүҙе туҡтатырға кәрәктер? Сөнки был бер ниндәй ҙә яҡшыға килтермәйәсәк. Енәйәттәр башҡарылған. Хис тойғоларға бирелеп, рух һәм йөрәк ҡайнарлығы менәнме - мөһим түгел. Енәйәт эштәре ҡуҙғатылған. Республика властарына уларҙы туҡтатыу һәм ҡулға алынғандарҙы азат итеү талаптары менән был проблеманы хәл итеп булмай, сөнки был эш менән федераль хоҡуҡ һаҡлау органдары шөғөлләнә. Сөнки Енәйәт кодексы һәм закондар бар. Һеҙ быны яҡшы беләһегеҙ. Шул саҡта ниңә хәлде, русса әйткәндә, "тупик"ка килтерәһегеҙ? Тағы ла сыуалыштар һәм бәрелештәр булһын өсөнмө?

Мин беҙҙә аңлы һәм яуаплы интеллигенция бар тип ышанам. Халыҡтың яҙмышы һәм киләсәге өсөн борсолған ысын башҡорт интеллигенцияһы. Бер минутлыҡ сәйәси маҡсаттарҙы күҙ уңында тотмай, ә күп йылдар алдан уйлай.
Риф Ғәбитов та башҡорт интеллигенцияһының шундай вәкилдәренең береһе тип уйлайым. Тик «Һары» мәғлүмәт сараларының һәм һәм бер төркөм оятһыҙ кешеләрҙең уйынына һәм йоғонтоһона бирешкән.

Ҡулға алынғандарға килгәндә. Омон һәм Росгвардия хеҙмәткәрҙәрен ҡоймаға ҡыҫып торған видеоны ҡарағыҙ. Унда улар үҙҙәре лә сыға алмай, хөкөм ителгән Алсыновты алып китә алмайҙар. Был видеоны ҡарағыҙ, унда халыҡ төрлөсә хоҡуҡ һаҡлау органдары хеҙмәткәрҙәренә ташлана.

Беренсенән, Омон һәм Росгвардияның эше хоҡуҡ тәртибен тәьмин итеү. Улар йәмәғәт дискуссияһында теге йәки был яҡты биләмәй. Был уларҙың эше генә.

Икенсенән, күп кенә хеҙмәткәрҙәре СВО шеврондары менән. Тимәк улар өс ай һуғышта, һәм өс ай Башҡортостанда.

Өсөнсөнән, күҙ алдына килтерегеҙ, унда башҡорттар түгел,ә футбол фанаттары төркөмө хөкөм ителгән фанатын кире ҡағырға ҡарар итә. Йәки был мигранттарға йәки башҡа нәмәләргә ҡаршы сығыш яһаусы башҡа милләт кешеләре. Омон һәм Росгвардия хеҙмәткәрҙәренә һөжүм итеүсе халыҡ төркөмө. Һуңынан һуғышҡандарҙы азат итеүҙе талап итер инегеҙме? Шикләнәм. Юҡтыр.

Һеҙ, Наилә Абдулхаевна, СВОла ҡатнашҡан һәм Росгвардия хеҙмәткәре булған улығыҙҙың шлемын сисеп, ҡойма аҫтына тығып ҡуйыуҙарын теләр инегеҙме? Был ябай хоҡуҡ һаҡлау органдары хеҙмәткәрҙәре нимәлә ғәйепле? Бер нәмәлә лә, улар үҙ эшен башҡара. Һәм был талаш һәм сыуалыштар өсөн бер кем дә яуап бирергә тейеш түгелме? Язаһыҙ ҡалыу бөтә нәмәне рөхсәт итеүҙе тыуҙыра.

Ҡулға алынғандарҙы һәм уларҙың ғаиләләрен йәлләйемме? Әлбиттә, ҡыҙғаныс. Улар ҡыҙыу йөрәкле, провокацияға бирелеүсе егеттәр. Мин халҡыбыҙҙы енәйәт эштәренә этәргән провокаторҙарҙы ғәйепләйем. Провокаторҙар суд бинаһы янында ла булған, улар Өфөлә лә, йылы ултырғыстарҙа ултыра һәм үҙҙәренең интернет-гәзит редакцияһын етәкләй, башҡа провокаторҙар видео яҙҙыра һәм интернетта йәмәғәт акцияларына саҡырыуҙар яҙа. Мин уларҙың барыһын да күрә алмайым. Аллаһы тәғәлә бар, яуапһыҙ бер кем дә ҡалмаясаҡ.

Шулай ҙа, беҙҙең башҡорт интеллигенцияһы ҡайҙа? Ниңә өндәшмәйһегеҙ? Мин һеҙҙең был хәлде ҡайғыртыуығыҙҙы беләм. Һәм хәҙер халыҡҡа һеҙҙең фекерҙәрегеҙ кәрәк.

Рәшит Шәкүр, Азат Айытҡолов, Ҡәҙим Аралбай, Мәрйәм Бураҡаева, Таңсулпан Ғарипова, Ғәлиә Мөхәмәтйәнова, Рита Өмөтбаева, Гөлнур Ҡолһарина, Гүзәл Ситдиҡова, Булат Йосопов, Айнур Асҡаров, Эльвира Айытҡолова, Юлдаш Йосопов, Гөлфиә Янбаева, Гөлфирә Абдуллина, Наил Юнысов, Сәғиҙулла Байегет, Айрат Абушахманов, Рустем Хакимов һәм башҡалар?! Һүҙегеҙ ҡайҙа?

Башҡортостан депутаттары ҡайҙа? Арағыҙҙан кемегеҙ Урал аръяғына сығып, халыҡ менән осрашты, нимә булғанын аңлатты? Кемегеҙ халыҡты был провокацияларҙан иҫкәртергә тырышты, Илшат Тажетдинов, Айбулат Хажин, Зариф Байғусҡаров, Илнур Сәлихов, Данир Ғәйнуллин? Һәм райондар депутаттары?

Башҡорт киң мәғлүмәт саралары ҡайҙа? Ни өсөн ҙур аңлатыу эше, мәғрифәтселек һәм ваҡиғаларҙы яҡтыртыу юҡ?

Башҡорт халҡы ауыр осор кисерә. Был эштә провокаторҙар, оятһыҙ һәм намыҫһыҙ кешеләр уйнай. Тап хәҙер башҡорт интеллигенцияһының роле мөһим. Берҙәмлек мөһим, бөтә ауыр һынауҙарҙы бергәләп еңеп сығып, бергә башҡорт халҡының һәм Башҡортостан Республикаһының киләсәген төҙөү мөһим. Үҙ ереңдә хужа булыу - үҙ башыңда хужа булыуҙан башлана.

P. S.: һәләк булған егет Риф Дауытов буйынса, тәү сиратта суд-медицина экспертизаһы һөҙөмтәләрен көтөргә кәрәк. Ул ике аҙна эсендә әҙер буласаҡ. Алдан уҡ егет алкоголдән ағыуланып үлгән, был хаҡта уның менән автозакта йөрөгән башҡа тотҡондар ҙа һөйләй. Был үлемде спекуляцияларға кәрәкмәй, уның ғаиләһенә былай ҙа ауыр. Барыһын да тыныс ҡына аңларға кәрәк. Хәҙер уның ғаиләһенә матди яҡтан ғына ярҙам итә алабыҙ. Мәҫәлән, мин шулай эшләнем.