«Дуҫлыҡ хороводы» үҙенә йыйҙы

Сараның мәртәбәле ҡу­нағы – Башҡортостан Респу­бликаһы Дәүләт Йыйылышы – Ҡоролтайҙың Мәғариф, мәҙәниәт, спорт һәм йәштәр сәйәсәте комитетының рәйе­се, Башҡортостан Республи­каһы буйынса был проекттың координаторы Эльвира Ай­ытҡолова тантаналы рәүештә “Ҡырмыҫҡалы үҙәкләште­релгән клуб системаһы” ди­ректоры Марат Мәзитовҡа - еңел автомобиль асҡысы, Николаевка ауыл клубының баш мәҙәни ойоштороусыһы Алина Степановаға - автобус асҡысы һәм райондың бер нисә мәҙәни усағына сәхнә костюмдары, тауыш көсәйтеү аппаратуралары алыу өсөн сертификаттар тапшырҙы.

- Федераль проект буй­ынса бик күп эштәр башҡа­рыла. Сәхнә костюмдары һәм башҡа бүләктәр район халҡын ҡыуандырып ҡына торор, һеҙҙең популярлыҡ тағы ла киңерәк таралыр, тип ышанам. Был йәһәттән Ҡырмыҫҡалы районының мәҙәни коллективтарының ижади потенциалы ҙур. Рай­онда инклюзив мәҙәниәткә ҙур иғтибар бүленеүе хаҡын­да айырым әйтеп үтке килә. Бында сәләмәтлектәре буй­ынса мөмкинлектәре сикләнгән балалар һәм ололарҙың мәҙәни үҫеше өсөн яҡшы шарттар тыуҙырыла, - тине үҙенең сығышында Эльвира Ринат ҡыҙы.

Район хакимиәте башлығы Әлфир Сабиров та та­лантлы яҡташтарыбыҙға оло рәхмәтен белдерҙе һәм ижади уңыштар теләне.

Фестивалдә сығыш яһаған башҡорт, татар, урыҫ, мордва, сыуаш халыҡтары­ның мәҙәниәтен сағылдырған ансамблдәрҙең барыһы ла - Рәсәй, төбәк-ара, республика һәм район конкурста­рының әүҙем ҡатнашыусы­лары. Уларға артабан да тик уңыштар ғына йылмайһын!

Розалия НАЗАРОВА.

Автор фотолары.