Һалдаттар менән осрашыу

Һәүәләй мәктәбендә махсус хәрби операциянан ялға ҡайтҡан ҡатнашыусылар осрашыуға килде. Егеттәр 7-11 класс уҡыусылары менән әңгәмә үткәрҙе. Улар махсус хәрби операцияның башланыу тарихы, Рәсәй хәрбиҙәренең батырлыҡтары, шулай уҡ армияла хеҙмәт итеүҙең мөһимлеге, Тыуған илгә һөйөү, халҡың алдында хәрби бурысты үтәү тураһында һөйләне. Тылдан килгән ярҙам хаҡында ла һүҙ булды.

Яҡташтарҙан йылы һүҙҙәр яҙылған хаттар һәм посылкалар һәр хәрбиҙең күңелен йылыта, хәрби рухтарын нығыта. Был мөһим һәм кәрәкле эш.
Осрашыу егеттәр өсөн тулҡынландырғыс һәм иҫтәлекле булды. Бындай осрашыуҙар балаларҙа Тыуған ил өсөн ғорурлыҡ тойғоһон тәрбиәләй. Уҡыусылар ысын батырҙарҙың эргәлә генә йәшәгәнлеген белде, батырлыҡ, ҡаһарманлыҡ, Тыуған илгә һөйөү - былар ысын кешенең сифаттары.
Махсус хәрби операцияла ҡатнашыусы егеттәр мәктәптең тарихи-тыуған яҡты өйрәнеү музейында ла булды, унда экспозицияларҙы һәм махсус хәрби операцияла ҡатнашыусыларға бағышланған яңы стендты ла ҡараны.

Автор:Гульчачак Алачева

Читайте нас

Партнеры