Бәхил бул, Айрат!

Матәм сараһында район хакимиәте башлығы Әлфир Сабиров сығыш яһаны.
- Һуңғы юлға ысын геройҙы оҙатабыҙ. Ул илде һаҡлауҙы тормош позицияһы итте һәм башын һалды... Яңыраҡ махсус хәрби операция барған ерҙә булып ҡайттым. Унда яндырылған ауылдарҙы, машиналарҙы, йорттарҙы - фашизм башын күтәргәнен күрҙем. Беҙҙең ир-егеттәр Тыуған илде һаҡларға баҫты.
Айрат менән үҙем шәхсән таныш инем. Уны уҡыусы саҡтан беләм, тормош яратыусан, изге күңелле, ярҙамсыл булды... Айрат Альберт улы тураһында иҫтәлек мәңге һаҡланыр, - тине ул.
Айрат Ғилимшинға 33 йәш була. Ул Балтас районында тыуған, Ҡырмыҫҡалы ауылында йәшәп, 2-се мәктәпте тамамлай. Томск хәрби-медицина институтында уҡый, 2009 йылда хәрби хеҙмәтен үтәй. Айрат башҡа төбәктә йәшәгән була. Улы бар, ул әсәһе менән Өфө ҡалаһында йәшәй.
Фәнил Гәрәев.