Балалар һүрәттәре күңелдәрҙе йылыта

Олокүл мәктәбенең 3-сө һәм 6-сы класында уҡыусы ейәндәрем Рамазан менән Мансур уҡыған кластар уҡыусылары һалдаттарға һүрәттәр төшөрөп ебәрҙе. Балаларҙың эскерһеҙ һәм ихлас күңенлдән төшөргән һүрәттәрен ҡарағандан һуң күп ир-егеттәрҙең күңелдәре тулып, күҙҙәре йәшкә мансылған. Шулай булмай ни, уларҙың да бит өйҙәрендә балалары, яҡындары көтөп тора. 

Һалдаттар уҡыусыларға һәм ике пакет иң кәрәкле дарыуҙар ебәргән 3-сө класс етәксеһе Антонида Анатольевна Паниченкоға ысын күңелдән рәхмәттәр әйтеп ҡалған.

Нисек кенә булмаһын, донъялар тынысланып, ир-егеттәребеҙ иҫән-имен тыуған йорттарына ҡайтһын. 

Фәнизә Дәүләталиева.