Бүләгебеҙ үҙ эйәһен тапты

Бүләгебеҙ үҙ эйәһен тапты

- Бейе, - ти почтальоныбыҙ бер көнө. Нимәгә улай ти икән тип аптырап ҡуй­ҙым. Баҡтиһәң “Даирә”нән бүләк отҡан­мын икән. Ҡыуанып киттем. Пенсиям ҙур булмаһа ла, “Даирә”гә яҙылмайынса ҡалғаным юҡ. Элек әсәйем дә алдыра ине. Гәзитте яратып уҡыйым. Район яңылыҡта­ры менән танышам, таныштарымдың уңыштары тураһында белеп ҡыуанам, - ти Ҡарлыманбаш ауылынан Рәйҙә Сәйетҡо­лова.

Рәйҙә Ғиндулла ҡыҙы мәктәпте тамам­лағас, Өфөләге сәнғәт училищеһында бе­лем ала. Бында ул билдәле йырсылар Фән Вәлиәхмәтов, Иҙрис Ғәзиев менән бергә уҡый. Училищены уңышлы тамамлаған ҡыҙҙы Башҡорт дәүләт опера һәм балет те­атрына эшкә алалар. Ул бында ун йылдан артыҡ эшләгәс, ауылға ҡайтырға мәжбүр була һәм төрлө эштәрҙә эшләп хаҡлы ялға сыға. Бөгөнгө көндә ул бәхетле әсәй һәм өләсәй.

Бына шулай бәләкәй генә бүләктәребеҙҙе лә ҙур итеп ҡабул итә, ҡыуана белә шул беҙҙең хөрмәтле гәзит уҡыусыларыбыҙ.