Район гәзитенә — коллектив менән!

- “Даирә” гәзите донъяла, илдә, республикала һәм районда барған ваҡиғаларҙы яҡтыртып барыусы берҙән-бер мөһим һәм ышаныслы сығанаҡ. Уның аша беҙ районыбыҙҙың данлыҡлы һәм уңған кешеләре, төрлө ваҡиғалар, байрам һәм спорт саралары, сауҙа һәм эшҡыуарлыҡ тураһында уҡып беләбеҙ.

 Уҡытыусыларыбыҙ гәзит-журналдарға даими яҙыла һәм уларҙы яратып уҡый. Был юлы ла районда сыҡҡан милли баҫмабыҙ менән дуҫлығыбыҙға тоғро ҡалдыҡ һәм үҙебеҙҙе тыуған яғыбыҙҙың патриоттары тип һанайбыҙ, - тип яҙҙы мәктәп етәксеһе Зорина Иҙрисова интернет селтәрендә.
Киләһе йылда ла район гәзиттәре менән бергә ҡалған уҡытыусыларға ихлас күңелдән рәхмәт белдерәбеҙ һәм еңел булмаған эштәрендә уңыштар, сабырлыҡ, аҡыллы һәм тырыш уҡыусылар шатландырып тороуын теләйбеҙ.
Гөлсәсәк Аласова.