Яугир әсәһенә - гәзит

Яугир әсәһенә - гәзит

“Башҡортостан Республикаһы” Нәшриәт йорто иғлан иткән “Изге яҙылыу” акцияһына райондың запастағы сит ил һаҡсылары йәмәғәт ойошмаһы рәйесе Рөстәм Маннанов та ҡушылды.

Ул мобилизацияланған офи­церҙың әсәһенә район гәзитен бүләккә яҙҙырты. Киләһе йыл­дан ярты йыл буйы Рөстәм Фәй­зрахман улы яҙҙырған «Даирә» гәзите Ҡырмыҫҡалы ауылында йәшәгән махсус хәрби опера­цияла ҡатнашыусының ҡәҙерле кешеһенең йортона киләсәк. Әйткәндәй, патриотик рухлы, йәмәғәт эштәрендә һәр саҡ әүҙем булған Рөстәм Маннанов уҙған гәзиткә яҙылыу осоронда ла бер ғаиләне район гәзитенә яҙҙыртып һөйөндөргәйне.

Был акцияның маҡсаты изге, сөнки гәзитебеҙҙә яҡташ яу­гирҙәрҙең хеҙмәте, батырлыҡта­ры, уларға ярҙам күрһәтелеүе хаҡында баҫылып тора.

“Изге яҙылыу” акцияһына теләгән һәр кем ҡушыла ала. Һеҙ ҙә унда ҡатнашып, яҡташтарға районда туған телдә сыҡҡан “Даирә” гәзитен бүләк итә алаһығыҙ.

Фәниә СӘЛИМГӘРӘЕВА.