«Изге яҙылыу»ға ихлас ҡушылды!

«Изге яҙылыу»ға ихлас ҡушылды!

Күптән түгел старт алған “Изге яҙылыу” акцияһы сиктәрендә махсус хәрби операцияла ҡатнашыусы­ларҙың яҡындарына, оло йәштәгеләргә, күп балалы ғаиләләргә, ауыр тормош хәлендә ҡалыусыларға йәки үҙегеҙ теләгән кешегә район гәзитен бүләк итергә була.

Был акция тураһында ишеткәс тә, Алһыу Фәттәхова (https://vk.com/alsufattakhova5) күп тә уйлап тормай Һәүәләй ауылынан махсус хәрби операцияла ҡатнашыусының әсәһенә “Даирә” гәзите бүләк итер­гә ҡарар итте.

Шайморатов ауылында тыуып үҫеп, ун йыл Ҡырымда хәрби хеҙмәт башҡарған яҡташыбыҙ яңыраҡ кире тыуған яҡтарына ҡайтып, Ҡыр­мыҫҡалы ауылында “Модный ка­приз” (https://chat.whatsapp.com/FNslFcahbBg74aHj7L6l2C) тигән кейем магазины асҡан. Киров урамындағы элекке “Ҡу­рай” магазинының икенсе ҡатын­да Алһыу Камил ҡыҙы балалар һәм шулай уҡ уларҙың әсәйҙәре өсөн сифатлы һәм модалы кейемдәр һа­тыу ойошторған. Әйткәндәй, Алһыу Фәттәхова үҙе лә күп балалы әсә. Тормош иптәше менән өс бала тәр­биәләйҙәр.

Шулай уҡ Алһыу “Алиса” мага­зинының икенсе ҡатында (https://vk.com/instart_fattakhova) керпектәр үҫтерә, ҡаш һәм керпектәрҙе лами­нирлай, сәстәрҙе тергеҙә, биҙән­дерә. Шул уҡ ваҡытта сәләмәт тор­мош алып барырға – бодибилдинг менән шөғөлләнергә лә өлгөрә. Хат­та, яңыраҡ БР буйынса чемпионатта 85 кеше араһында 9-сы урынды яу­лауға ирешкән.

Кешене изге эше биҙәй тиҙәр. Алһыуҙың изгелеге үҙенә лә меңләтә әйләнеп ҡайтһын һәм башлаған эше уң булһын, спортта яңы үрҙәр яу­ларға яҙһын тигән теләктә ҡалабыҙ.

Хөрмәтле дуҫтар, “Изге яҙылыу” акцияһы дауам итә. Һеҙ ҙә яҡташта­рыбыҙға ярты йылға район гәзите бүләк итеп, кемделер ҡыуандырырға һәм “Даирә” менән изгелек ҡылы­рға өлгөрөп ҡалығыҙ!