Илмир Әхмәт улы мәктәпте тамамлағандан һуң армия сафтарында хеҙмәт итә. Хәрби бурысын үтәп ҡайтып, һис икеләнмәйенсә яҙмышын тыуған ауылы менән бәйләй. Егерме йыл урындағы колхоз фермаһында малдар ҡарай. Колхоз тарҡалғандан һуң почта таратыу эшенә тотона. Ауылдың уңған ҡыҙы Земфира менән ғаилә ҡороп, матур донъя көтәләр. Үҙ көстәре менән күркәм йорт һалып инделәр. Мал-тыуар, ҡош-ҡорт аҫрайҙар, йәшелсә-емеш үҫтерәләр. Ҡыҙҙары Эльвира урта мәктәпте тамамлап, Ауырғазы киң профилле колледжында уҡып йөрөй.