Улар беҙгә байрам кәйефе бүләк итә

Улар беҙгә байрам кәйефе бүләк итә

Район Мәҙәниәт һарайында шаулап-гөрләп күркәм бай­рам кисәһе үтте. Беҙҙе һәр сарала матур-матур тама­шалар менән ҡыуандырыусы мәҙәниәт хеҙмәткәрҙәренә арналды ул.

Байрам тантанаһын асып, район хакимиәте башлығы Әлфир Сабиров:

- Һеҙ һәр ваҡыт беҙгә бай­рам кәйефе бүләк итәһегеҙ, тормошобоҙҙо йәмләйһегеҙ, ижадҡа, мәҙәниәткә, туған телгә, рухи ҡиммәттәргә һөйөү тәрбиәләйһегеҙ, - тип, мәҙә­ниәт өлкәһендәге уңыштар менән таныштырҙы, ижади ҡарашлы һөнәр эйәләренә оло рәхмәтен, изге теләктәрен белдерҙе һәм был юҫыҡта ҙур уңыштарға өлгәшкән иң- иңдәрҙе билдәләп үтте.

Иң беренселәрҙән бу­лып, Әлфир Фәрхәт улы “Иң яҡшы муниципаль мәҙәниәт учреждениеһы” тип танылған Николаевка моделле ауыл клубына (етәксеһе Алина Сте­панова) 50 мең һумлыҡ сер­тификат тапшырҙы. Артабан Илтирәк ауылы китапхана­сыһы Анисия Михайлованы БР Мәҙәниәт министрлығы­ның Почет грамотаһы, Һыуыҡ Шишмә мәҙәниәт йорто етәк­сеһе Ольга Андрееваны, “При­бельские зори” хоры етәксеһе Дарья Якунинаны, Ҡамышлы мәҙәниәт йорто етәксеһе Нина Вардакованы, Балалар сәнғәт мәктәбенең директор урын­баҫары Айгөл Абдулованы һәм һынлы сәнғәт класы уҡыты­усыһы Зөбәрйәт Латипованы министрлыҡтың Рәхмәт хатта­ры менән бүләкләне.

“Иң яҡшы мәҙәниәт хеҙмәткәре” тип танылыусы Олокүл мәҙәниәт йорто етәк­сеһе Ләйсән Нәзирова ла 50 мең һумлыҡ сертификатҡа, ә Гөлназ Ғаффарова етәкләгән Иҫке Бәпес ауылы клубының “Бөрлөгән” башҡорт фоль­клор ансамбле “Иң яҡшы ижади коллектив” булараҡ 100 мең һумлыҡ сертификатҡа эйә булды.

Иҫке Бәпес мәҙәниәт йор­то етәксеһе Сулпан Хәлитова, Балалар сәнғәт мәктәбенең һынлы сәнғәт класы уҡы­тыусыһы Фирүзә Батталова, район Мәҙәниәт һарайының “Сатҡылар” халыҡ театрының режиссер ярҙамсыһы Флүрә Низамова район Советының Почет грамоталары менән бүләкләнде.

Ҡырмыҫҡалы үҙәкләште­релгән клуб системаһы ди­ректоры урынбаҫары Флори­да Самиҡова һәм методисы Гүзәл Ғәлиева, Балалар сәнғәт мәктәбе уҡытыусыһы Ризида Кучаева, район балалар китапханаһының баш китапха­насыһы Регина Абдуллина, Шәриф Бикҡол исемендәге күргәҙмәләр залы күҙәтеүсеһе Фәйрүзә Ҡотлобаева, “Муниципаль учреждениелар үҙәкләштерелгән бухгалтерияһы”­ның баш бухгалтеры Зөһрә Ҡаһармановалар район хакимиәтенең Рәхмәт хаттарын алды.

Әйтергә кәрәк, был бай­рам кисәһендә бүләкләнеүселәр һаны һәр ваҡыттағыса күп булды. Район мәҙәниәт бүлеге начальнигы Виктория Мөхәмәҙиева ла үҙенең рәх­мәт һүҙҙәренә ҡушып, мәҙә­ни тормошҡа тос өлөш индереүселәрҙе, әүҙем хеҙмәт­тәшлек күрһәткәндәрҙе бил­дәләп үтте. Әлбиттә, бүләклә­неүселәр араһында даими рәүештә районыбыҙҙың мәҙә­ни тормошон яҡтыртып бары­усы хеҙмәттәштәребеҙ – Ҡырмыҫҡалы мәғлүмәт үҙәгенең “Даирә” гәзитенең хаттар бүлеге мөдире Фирүзә Рәх­мәтуллинаның һәм “Карма­скалинская новь” гәзитенең матбуғатҡа яҙылыу бүлеге мө­дире Ғәлиә Кәримованың бу­лыуы беҙҙе үтә лә ҡыуандырҙы.

Байрам кисәһе ғәҙәттәгесә сағыу сығыштарға бай булды. Мәҙәниәт хеҙмәткәрҙәрен ҡотларға район таланттарынан тыш Башҡортостан Республи­каһының халыҡ артисткаһы, Башҡорт дәүләт филармони­яһы солисткаһы, яҡташыбыҙ Әлиә Нурғәлиева, Өфө сәнғәт институты студенттары Хәй­ҙәр Мөхтәров, Роберт Исла­мовтар ҙа килгәйне. Ғөмүмән, һәр сығыштың дәррәү алҡыштарға күмелеүе байрам концер­тының юғары кимәлдә булы­уын күрһәтте.

Эйе, мәҙәниәт өлкәһендә тик ошо һөнәрҙе йөрәктәре ҡушыуы буйынса һайлағандар, үҙ эштәренә мөкиббән булған­дар ғына эшләй ала. Ошо сфе­рала бер аҙ эшләп алған кеше булараҡ бының ысын икә­нен һис шикһеҙ әйтә алам. Үҙ эштәре оҫталарына артабан да тик уңыштар йылмайһын!

Розалия НАЗАРОВА.

Автор фотолары.