Ул 1989 йылдың 3 мартында Туймазы районында тыуған. Күптәр йырсыны Әлиә Ҡарасурина менән "өйләндереп" тә ҡуйҙы. Быға күптән түгел Ришаттың Инстаграмдағы сәхифәһендә "Ул эйе тип әйтте. Ульян концертында" тип яҙып, видеояҙма ҡуйыуы сәбәпсе булғандыр, күрәһең. Баҡтиһәң, Төхвәтуллиндың концерттарының береһендә бер егет һөйгәненә тәҡдим яһаған, ә ҡыҙы "эйе" тип яуап биргән.
Инстаграмдағы дуҫтары йырсыға кәләш алырға ваҡыт етеүе, уның тиҙерәк өйләнеүен теләүҙәре хаҡында бик күп комментарий ҡалдырған. Ысынмы-юҡмы, хатта бер ханым "Әлиә менән Ришаттың никахына бер йылдан ашыу, йәштәр күптән бергә. Был уларҙың сере. Бик матур пар!" тигән яҙыу ҙа ҡалдырған.
Яратҡан йырсыбыҙға нисә йәш икәнен белдек, ә бына өйләнгәнме-юҡмы икәне һаман сер булып ҡала...
Фото: biographe.ru
Автор: Карима Усманова.