+12 °С
Ямғыр
Бөтә яңылыҡтар
Мәҙәниәт
14 Ғинуар 2021, 16:40
“Теге өсәү”ҙең берәүһе алмашынды
“Теге өсәү”ҙе барыһы ла яҡшы беләлер. Йәмил Ишмөхәмәтов, Филүс Ҡасимов, Ғәзиз Әбделмәновтан торған ижади тандем “Юлдаш” радиоһы йышлыҡтарында ла, БЮТ каналында ла уңышлы сығыш яһай: тәүгеһендә республика халҡын таң һарыһы менән йоҡонан уятып яңы көнгә дәртләндерһә, зәңгәр экрандарҙа тапшырыу һайын яңы “йондоҙ”ҙан машинала юл йөрөй-йөрөй интервью ала.
Уларҙың “Ай йыры” рубрикаһы ла иғтибарға лайыҡ – Башҡортостанда, Рәсәйҙә булып торған көнүҙәк ваҡиғаны оҫта ғына эләктереп алып йырға һала егеттәр.
Бөгөн улар үҙ тамашасыһын аптырауға һалды: Филүс Ҡасимов урынына иртәнге эфирға ошо уҡ “Юлдаш” радиоһы дикторы Айбулат Сәсәнбаев менән сыҡты, етмәһә, Интернет киңлектәрендәге “Юлдаш” радиоһының социаль селтәрҙәрендә “Теге өсәү” хэштегы аҫтында Йәмил, Ғәзиз, Айбулат төшкән фото пәйҙә булды.
Был фото аҫтындағы иң күп комментарийҙар башлыса бер йөкмәткелә: “Филүс ҡайҙа?”
Яуап артынан Айбулат Сәсәнбаевҡа мөрәжәғәт иттем.
“Филүс Ҡасимов бер ҡайҙа ла китмәне, - тип аныҡлыҡ индерҙе “Теге өсәү”ҙең яңы терәүе, - ул яңылыҡтар хеҙмәтенә күсте. Үҙенең эш тәжрибәһе менән уртаҡлаша, миңә ярҙам итә. Тура эфирҙа абынмаҫҡа янда Ғәзиз менән Йәмил бар. Хәҙер яңы көн тәртибенә өйрәнәһе ҡалды”.
Баҡтиһәң, Айбулат элегерәк тә “Теге өсәү”ҙә эфирға сыҡҡан, был хәл үткән йыл егеттәр ауырып киткәндә булған.
“Теге өсәү”ҙә яңы һулыш, ул яңы ижад ҡомары булдырһын тип теләйек.
Фото: “Юлдаш” радиоһы
Автор: Айгөл Йәмилева.
Читайте нас:
© 2020-2024 Сайт издания "Даирә" Копирование информации сайта разрешено только с письменного согласия администрации.
Телефон
8(34765) 2-32-85
Электрон почта
Адресы
РБ Кармаскалинский район, с. Кармаскалы, переулок Речной , 7
Реклама хеҙмәте
83476523285
Редакция
83476523266
Ҡабул итеү бүлмәһе
83476523285
Хеҙмәттәшлек
83476523285
Кадрҙар бүлеге
83476523266