Портфелдәр тапшырҙылар

1966 йылда Ҡырмыҫҡалы ауылының 1-се һанлы мәктәпте тамамлаған (хәҙерге С.М.Чугункин исемендәге мәктәп) Рафаэль Нурмөхәмәтов буласаҡ беренсе класс уҡыусыларына канцелярия әсбаптары йыйылмаһы булған портфелдәр бүләк итте.
- Беҙҙең класс һәр ваҡыт бик дуҫ булды. Беҙ бөгөнгө көнгә тиклем элемтәлә торабыҙ һәм класташтарыбыҙ менән даими осрашабыҙ. Буласаҡ беренсе класс уҡыусыларына белемгә ынтылыуҙарын, уңыштарға һәм еңеүҙәргә ирешеүҙәрен теләйем. Яҡшы уҡығыҙ, Ватанығыҙҙың ысын патриоттары булығыҙ, туған мәктәбегеҙҙе, уҡытыусыларығыҙҙы һәм дуҫтарығыҙҙы онотмағыҙ,- тине Рафаэль Сәйет улы.
Беренсе класс уҡыусыларына мәктәп кә­рәк-яраҡтарын бүләк итеү С.М.Чугункин исе­мендәге мәктәптә изге йолаға әйләнде.
- Рәхмәт һеҙгә, Рафаэль Сәйет улы, йомарт бүләктәрегеҙ өсөн. Һеҙ беренсе класс уҡыусыларына белем донъяһына беренсе аҙымдарҙы яһарға ярҙам итәһегеҙ. Ҡәҙерле балалар, 1 сентябрҙә һеҙҙе тантаналы линейкала көтәбеҙ,- тине мәктәп директоры Дамир Әхтәмов.
Быйыл мәктәпкә тәүге тапҡыр барыусы 20 беренсе класс уҡыусыһы бүләктәр алды. Мәктәп кәрәк-яраҡтары менән рюкзак – балаларҙы мәктәпкә әҙерләүсе ата-әсәләр өсөн бик яҡшы ярҙам.
- Беҙҙең өлкән улыбыҙ быйыл беренсе класҡа бара. Ул был көндө түҙемһеҙлек менән көттө, ә бүләк тураһында белгәс бик шатланды. Буласаҡ беренсе класс уҡыусыларына иҫ киткес сюрприз өсөн ҙур рәхмәт! - тип һөйләне Тимурҙың әсәһе, Надежда Яхина.
Алия ЮЛЫЕВА.