Бөгөн Башҡортостан Республикаһы халыҡтарының милли кейеме көнө билдәләнә

Бөгөн 2024 йылдың 13 сентябрендә Башҡортостан Республикаһы халыҡтарының милли кейеме көнө билдәләнә. Был байрам халыҡтың традицияларына, тарихына һәм мәҙәниәтенә мөрәжәғәт итергә мөмкинлек бирә. Милли кейем көнө – ул рух, милли үҙаң сағылышы, йөрәгендә халҡына һөйөү йөрөткән һәр кемдең ошо оло тойғоно белдереү. Тамырҙарына, тарихына, ғөмүмән, үткәненә иғтибарлы булған, уға хөрмәт менән ҡараған халыҡтың киләсәге лә. Милли кейем көнө республикабыҙҙың күп милләтле халҡын берләштерә, бер-беребеҙҙең мәҙәниәте менән танышырға мөмкинлек бирә. Беҙҙең мәктәптә лә ошо уңай төрлө саралар үтте. Уҡыусылар милли кейем өлгөләре менән таныштылар, викторина һорауҙарына яуап бирҙеләр, - тип яҙалар Сахай мәктәбенән.