«Хөсәйенов уҡыуҙары» үтте

«Хөсәйенов уҡыуҙары» үтте

Үтәгән мәктәбендә республика кимәлендә “Хөсәйенов уҡыуҙары” фәнни-ғәмәли конференцияһы үтте. Башҡортостан Республикаһының халыҡ яҙыусыһы, Рәсәй Федерацияһының атҡаҙанған фән эшмәкәре Ғайса Батыргәрәй улы Хөсәйеновтың тормошона һәм эшмәкәрлегенә арналған был сара районда икенсе тапҡыр үткәрелә.

Сарала Ҡырмыҫҡалы рай­онының ун мәктәбе, Ғафу­ри районынан Н.А.Мәжитов исемендәге гимназия-интер­нат уҡыусылары әүҙем ҡатна­штылар.

Конференция өс этаптан торҙо. Беренсе этапта фән­ни-ғәмәли конференция сик­тәрендә уҡыусылар үҙҙәренең эҙләнеү-тикшеренеү эштәре менән сығыш яһанылар, икен­се этапта Ғайса Хөсәйеновтың әҫәрҙәренән өҙөктәрҙе яттан һөйләнеләр. Өсөнсө этапта үткән видеоконкурс күпселек Ғаилә йылына арналғайны.

Жюри ағзалары бала­ларҙың сығыштарын баһа­лап, һорауҙар бирҙе. Кон­ференция аҙағында “Табын ырыуҙары берләшмәһе” төбәк-ара йәмәғәт ойошмаһы советы рәйесе Фәнил Ҡоҙаҡа­ев эштәргә йомғаҡ яһаны һәм ҡатнашыусыларға Маҡтау грамоталары, Рәхмәт хаттары, китаптар тапшырҙы.

Мәртәбәле бәйгелә райо­ныбыҙ уҡыусылары ла һынат­маны һәм еңеүҙәр яулауға өлгәште. Бишауыл-Уңғар урта мәктәбенән Алексан­дра Чирухина, Олокүл мәк­тәбенән Алиса Йәнгирова, Ҡырмыҫҡалы гимназияһынан Элина Зәйнуллина 1-се урын яуланы. 2-се урынды Сахай­ҙан Эльвина Ғарипова, Һы­уыҡ-Шишмәнән Каролина Васильева, Шәрипҡолдан Арыҫлан Солтанморатов, Үтәгәндән Диана Моратова алды. Иҫке Бәпестән Гөл­наз Хәлитова, Шәрипҡолдан Фидан Бикташев, Үтәгәндән Элиза Иҙрисова 3-сө урынға сыҡтылар. Олокүл мәктәбе уҡыусыһы Әлмир Сабитов Рәхмәт хатына эйә булһа, ви­деоконкурс һөҙөмтәләре буй­ынса Үтәгән һәм Прибель­ский мәктәбе уҡыусыларына еткәндәр булманы. Бик күп фәнни хеҙмәттәр, уҡыу әсбап­тары, әҫәрҙәр, әҙәби тәнҡит мәҡәләләре авторы, ғалим Ғайса Хөсәйеновтың ижады һәм хеҙмәттәре тураһында уҡыусыларҙың ҡыҙыҡһынып өйрәнеүе, күренекле яҡташы­быҙҙың эшен дауам итеү, киләһе быуындарға тапшы­рыу ул.

Нәркәс ҠОҘАҠАЕВА,

район мәғариф бүлегенең туған телдәр буйынса методисы.