Мәктәптә балаларығыҙҙы нисек ашаталар?

"Роспотребнадзор" идаралығының "ҡыҙыу бәйләнеш" телефоны аша Башҡортостандағы мәктәптәрҙә туҡланыуҙы ойоштороу мәсьәләһе буйынса һорауҙар бирергә мөмкин: 8 (800) 77-50-170.

Хеҙмәт белгестәре мәктәп менюһы өсөн аҙыҡ-түлек, туҡланыуҙы ойоштороуҙа мәктәп хакимиәтенең роле, сәләмәт туҡланыу принциптарын үтәү, шулай уҡ мәктәптә балаларҙың туҡланыуына ата-әсәләрҙең контроллек итеү мөмкинлектәре хаҡындағы һорауҙарға яуап бирәсәк.

"Ҡыҙыу бәйләнеш" 2023 йылдың 15 сентябренә тиклем эшләй, шылтыратыуҙар ҡабул итеү ваҡыты: дүшәмбенән кесе йомаға тиклем — 10:00-17:00, йома — 10:00-15:45, тәнәфес — 12:00-12:45

"Роспотребнадзор"ҙың Берҙәм консультация үҙәге тәүлек әйләнәһенә эшләй: 8 (800) 555-49-43.

Шылтыратыуҙар бушлай.

Айрат Нурмөхәмәтов фотоһы.