Ваҡиғаларға бай булды

Ваҡиғаларға бай булды

Быйылғы август кәңәшмәһе лә йылдағыса ваҡиғаларға бай булды. Тәүге көндө уҡытыусылар һәм балалар баҡсалары тәрбиәселәре кәңәшмәнең секция ултырышына йыйылды. Бында улар белем биреү эшенең сифаты, хәл итәһе проблемаларҙы уртаға һалып, һөйләшеү алып барҙы.

Икенсе көнө иһә мәғариф хеҙмәт­кәрҙәре район Мәҙәниәт һарайында уҙған пленар өлөштә осраштылар. Бында килгән һәр кешене һәр ваҡыт­тағыса күҙҙең яуын алып торорҙай бай һәм эстәлекле күргәҙмәләр ҡар­шы алды. Хатта, Ҡабаҡ лицейы ҡу­наҡтарҙы үҙҙәре етештергән туңдыр­ма менән һыйланылар.

Тантаналы өлөштөң төрлө бәй­геләрҙә ҙур уңыштарға ирешкән рай­ондың алдынғы уҡыусыларын тә­брикләүҙән башланыуы сараға ҙур мәртәбә өҫтәне тиергә була.

Педагогик хеҙмәткәрҙәрҙе, вете­ран уҡытыусыларҙы, йәш белгестәрҙе, ауыл хакимиәте башлыҡтарын бер урынға туплаған сараны район хаки­миәте башлығы урынбаҫары Гөлнара Иҫәнбаева асты һәм тәүге һүҙҙе рай­он хакимиәте башлығы Әлфир Са­бировҡа бирҙе. Ул барыһын да яңы уҡыу йылы менән тәбрикләп, изге теләктәрен әйткәндән һуң, район мәғарифы мәсьәләләрен бәйән итте, киләсәккә пландар менән танышты­рҙы.

- Яңы уҡыу йылына барлыҡ мәк­тәптәрҙә һәм балалар баҡсаларында косметик ремонт башҡарылды. Еф­ремкин һәм Ҡырмыҫҡалының 2-се мәктәптәрендә эшләнелгән капиталь ремонтҡа 100 милллион һумдан ар­тыҡ аҡса һалынды. Ҡырмыҫҡалыла яңы мәктәп төҙөү һорауы буйынса БР мәғариф һәм фән министрлығы менән бергә ентекле эш алып барыла. Йыл аҙағына ниндәйҙер аныҡлыҡ ин­дерелер тип ышанабыҙ.

1 сентябрь көнө районда 733 бе­ренсе класс уҡыусыһы парта артына ултырасаҡ. Был һандың элекке йыл­дар күрһәткестәренән юғарыраҡ бу­лыуы ҡыуандыра, - тине ул.

Башҡортостан Республикаһы­ның мәғариф һәм фән министры урынбаҫары Филүс Миназов та үҙе­нең сығышында республика буйынса мәғариф өлкәһендәге яңылыҡтары менән бүлеште һәм министрлыҡтың Почет грамоталарын түбәндәге уҡы­тыусыларға тапшырҙы:

Рәлиҙә Мозафар ҡыҙы Әҙиәтулли­на, Олокүл мәктәбенең башланғыс кластар уҡытыусыһы;

Гөлнара Рәсих ҡыҙы Алдаҡаева, Прибельский мәктәбенең технология уҡытыусыһы;

Земфира Тимербай ҡыҙы Бай­мөхәмәтова, Ҡырмыҫҡалының 1-се балалар баҡсаһы тәрбиәсеһе;

Илүзә Рифғәт ҡыҙы Бикмәтова, Ф.Әсәнов исемендәге Боҙаяҙ мәктә­бенең тарих һәм йәмғиәтте өйрәнеү уҡытыусыһы;

Людмила Сергеевна Васильева, Һы­уыҡ Шишмә мәктәбенең рус теле һәм әҙәбиәте уҡытыусыһы;

Лариса Миңлеәхмәт ҡыҙы Кучае­ва, Ҡырмыҫҡалының Пионерҙар һәм уҡыусылар йортоноң өлкән методисы;

Илмира Викторовна Мөлөкова, Ҡырмыҫҡалының “Бал ҡорто” бала­лар баҡсаһы тәрбиәсеһе;

Рәмилә Рим ҡыҙы Намаҙғолова, Түбәнге Төкөн мәктәбенең математи­ка уҡытыусыһы;

Александр Сергеевич Пухов, район мәғариф бүлегенең мәғлүмәт-мето­дик үҙәге инженер-программисы;

Валентина Ивановна Ростовцева, Подлубов мәктәбенең математика уҡытыусыһы;

Светлана Сәлихйән ҡыҙы Сәитғә­лина, Ҡырмыҫҡалы гимназияһының башланғыс кластар уҡытыусыһы;

Рима Йосоп ҡыҙы Сафина, Яңы Ҡыйышҡы мәктәбенең физик куль­тура уҡытыусыһы;

Лариса Роберт ҡыҙы Таумбаева, Ҡа­баҡ лицейының тарих һәм йәмғиәтте өйрәнеү уҡытыусыһы;

Гөлсинә Сәғит ҡыҙы Хәсәнова, Ҡы­рмыҫҡалының 2-се мәктәбе уҡытыу­сыһы.

Башҡортостан Республикаһының ЮНЕСКО эштәре буйынса комите­тының башҡарма директоры Элина Ғатауллина, райондың мәғариф бү­леге начальнигы Андрей Матвеев һәм башҡа сығыш яһаусылар был көндө мәғариф өлкәһендәге уңыштарҙы һанап үтте, ҡайһы бер мәсьәләләр­гә айырым иғтибар бүлде. Шулай уҡ сараны ойоштороусылар төрлө но­минацияларҙа еңеүсе мәктәптәрҙе, айырым уҡытыусыларҙы һәм йәш белгестәрҙе лә билдәләп үтергә онот­манылар.

Шайморатов мәктәбе уҡытыу­сыһы Айнур Абакачев, Салауат Әй­үпов башҡарыуындағы йырҙар, “Да­лан” һәм “Йондоҙ” ансамблдәренең дәртле бейеүҙәре август кәңәшмәһенә йәм өҫтәне. Яңы уҡыу йылы тик яңы уңыштары менән генә ҡыуандырһын!

Розалия НАЗАРОВА.

Автор фотолары.