+27 °С
Ясно
Мәктәптәрҙә
1 Апреля 2021, 10:53
“Үҫеш нөктәһе” киң мөмкинлектәр аса
Бала саҡ – ул донъяны танып белеү, асыу һәм үҫеш осоро. Был ваҡытта уҡыусыларҙы төрлө йүнәлештәр ҡыҙыҡһындыра. Районыбыҙҙа тормошҡа ашырылған “Үҫеш нөктәһе” проектының балаларҙы фән донъяһына йәлеп итеүҙә роле ҙур.
“Үҫеш нөктәһе” тип исемләнгән цифрлы һәм гуманитар профилле белем биреү үҙәге илебеҙҙең ауыл мәктәптәрендә 2019 йылда барлыҡҡа килә. “Мәғариф” милли һәм “Заманса мәктәп” төбәк проекттары сиктәрендә тормошҡа ашырылған “Үҫеш нөктәһе” белем биреү үҙәктәре райондың өс белем усағында - Ҡырмыҫҡалы гимназияһы, Прибельский һәм Олокүл мәктәптәрендә эшләй.
Ҡырмыҫҡалы гимназияһында был юҫыҡтағы эш “Технология”, “Информатика”, “Тормош хәүефһеҙлектәре нигеҙҙәре” фәндәре буйынса өс йүнәлештә (уҡыу, уҡыуҙан тыш һәм өҫтәмә эшмәкәрлек) алып барыла.
- Балалар һәр яҡлап үҫергә тейеш. Был йәһәттән проект ҙур мөмкинлектәр бирә. Беҙҙең гимназияға бер миллион ярым һумлыҡ заманса ҡоролма: компьютер ҡоролмалары, 3D принтерҙар, сканер, копир, виар күҙлектәр, шлемдар, квадрокоптерҙар, конструкторҙар, елемле пистолеттар, дрелдәр, электролобзиктар һәм башҡа кәрәк-яраҡтар алынды. Элекке күнекмәләр хәҙер инде заманса техник ҡоролмалар ярҙамында башҡарыла. Дәрестәрҙә уҡыусы заманса технология, һөнәрҙәр менән таныша, улар буйынса тестар эшләй, төрлө социаль өлкәләр менән таныша. Мәҫәлән, тормош хәүефһеҙлеге нигеҙҙәре дәрестәрендә яһалма һулыш яһау, тәүге ярҙам күрһәтеү, яраны бәйләүҙә манекендар ҡулланыла. Был дәрестәр иң тәүҙә хәүефһеҙлеккә йүнәлтелгән. Ғәҙәттән тыш хәлдәрҙә нисек үҙен тоторға ла өйрәтәбеҙ. Шулай уҡ мәғлүмәти хәүефһеҙлек һәм интернетта хәүефһеҙлеккә лә өйрәнәләр.
Ә дәрестәрҙән тыш эшмәкәрлектә төрлө саралар һәм төрлө кимәлдәге өҫтәмә мәғариф программалары башҡарыла. Өҫтәмә белем биреү ҙә бер нисә йүнәлештә уҙа. Мәҫәлән, Пионерҙар һәм уҡыусылар йортоноң “Робототехника” (етәксеһе Сынғыҙов А.В.), гимназияның – “Мәктәп телевидениеһы” (Сыңғыҙов А.В.), “Сәнәғәт дизайны. Сәнәғәт мөхитен проектлау” (Яхина С.Р.), “3D моделирование и прототипирование” (Сәғәҙиева Г.Ф.), “Шахмат” (Әхмәҙуллин Ф.Н.) түңәрәктәренә уҡыусылар ҙур теләк һәм ҡыҙыҡһыныу менән йөрөйҙәр. Балалар бында шөғөлләнеп, үҙҙәренең белемдәрен үҫтерә һәм артабан үҙҙәре һайлаған фәндәр буйынса юлдарын дауам итерҙәр, тип ышанам, - тип һөйләне математика һәм информатика уҡытыусыһы, “Үҫеш нөктәһе” етәксеһе Әлфира Рәжәпова.
Әле беҙ мәғлүмәт ифрат күп булған йәмғиәттә йәшәйбеҙ. Йәш быуындың ҡыҙыҡһыныуҙары көслө. Уларға белем алыу өсөн мөмкинлектәр ҙә күп. Фән донъяһында гиҙеү уларҙы төрлө яҡлап үҫтерә, һәләттәрен күрһәтергә ярҙам итә. Киләсәктә ниндәй һөнәр һайлаһалар ҙа, бөгөн “Үҫеш нөктә”һендә алған белем улар өсөн яңы офоҡтар асырға булышлыҡ итер.
Фәниә Сәлимгәрәева.
- Балалар һәр яҡлап үҫергә тейеш. Был йәһәттән проект ҙур мөмкинлектәр бирә. Беҙҙең гимназияға бер миллион ярым һумлыҡ заманса ҡоролма: компьютер ҡоролмалары, 3D принтерҙар, сканер, копир, виар күҙлектәр, шлемдар, квадрокоптерҙар, конструкторҙар, елемле пистолеттар, дрелдәр, электролобзиктар һәм башҡа кәрәк-яраҡтар алынды. Элекке күнекмәләр хәҙер инде заманса техник ҡоролмалар ярҙамында башҡарыла. Дәрестәрҙә уҡыусы заманса технология, һөнәрҙәр менән таныша, улар буйынса тестар эшләй, төрлө социаль өлкәләр менән таныша. Мәҫәлән, тормош хәүефһеҙлеге нигеҙҙәре дәрестәрендә яһалма һулыш яһау, тәүге ярҙам күрһәтеү, яраны бәйләүҙә манекендар ҡулланыла. Был дәрестәр иң тәүҙә хәүефһеҙлеккә йүнәлтелгән. Ғәҙәттән тыш хәлдәрҙә нисек үҙен тоторға ла өйрәтәбеҙ. Шулай уҡ мәғлүмәти хәүефһеҙлек һәм интернетта хәүефһеҙлеккә лә өйрәнәләр.
Ә дәрестәрҙән тыш эшмәкәрлектә төрлө саралар һәм төрлө кимәлдәге өҫтәмә мәғариф программалары башҡарыла. Өҫтәмә белем биреү ҙә бер нисә йүнәлештә уҙа. Мәҫәлән, Пионерҙар һәм уҡыусылар йортоноң “Робототехника” (етәксеһе Сынғыҙов А.В.), гимназияның – “Мәктәп телевидениеһы” (Сыңғыҙов А.В.), “Сәнәғәт дизайны. Сәнәғәт мөхитен проектлау” (Яхина С.Р.), “3D моделирование и прототипирование” (Сәғәҙиева Г.Ф.), “Шахмат” (Әхмәҙуллин Ф.Н.) түңәрәктәренә уҡыусылар ҙур теләк һәм ҡыҙыҡһыныу менән йөрөйҙәр. Балалар бында шөғөлләнеп, үҙҙәренең белемдәрен үҫтерә һәм артабан үҙҙәре һайлаған фәндәр буйынса юлдарын дауам итерҙәр, тип ышанам, - тип һөйләне математика һәм информатика уҡытыусыһы, “Үҫеш нөктәһе” етәксеһе Әлфира Рәжәпова.
Әле беҙ мәғлүмәт ифрат күп булған йәмғиәттә йәшәйбеҙ. Йәш быуындың ҡыҙыҡһыныуҙары көслө. Уларға белем алыу өсөн мөмкинлектәр ҙә күп. Фән донъяһында гиҙеү уларҙы төрлө яҡлап үҫтерә, һәләттәрен күрһәтергә ярҙам итә. Киләсәктә ниндәй һөнәр һайлаһалар ҙа, бөгөн “Үҫеш нөктә”һендә алған белем улар өсөн яңы офоҡтар асырға булышлыҡ итер.
Фәниә Сәлимгәрәева.
