Файҙалы туҡланыу – сәләмәтлек нигеҙе

Был көндө мәктәптәргә ата-әсәләр саҡырылды. Улар балаларҙы туҡландырыу процесы һәм меню менән танышты. Мәктәп ашхана­һында уҡыусыларҙың нисек туҡланыуҙарын ҡарап, иртәнге һәм төшкө аштарҙы тәмләп ҡараны, әҙерләнгән ризыҡтың юғары сифатлы булыуын билдәләне һәм үҙҙәрен ҡыҙыҡһындырған һорауҙарға яуаптар алды. Шулай уҡ улар ашнаҡсылар менән һөйләште, бешереү урындарын ҡараны. Беҙ бар процесты күҙәттек һәм эштең хәүефһеҙлек талап­тарына ярашлы ойошто­ролғанына шаһит булдыҡ. Һәр продукция өсөн һы­уытҡыс бар, барлыҡ шарттар үтәлгән.
2-се Ҡырмыҫҡалы мәктә­бе­нең тәрбиәүи эштәр бу­йынса директор урынбаҫары Лина Фәтхетдинова әҙер­ләнгән ри­зыҡтың күп төрлө, йә­шелсә һәм емештәргә бай булыуы тураһында әйтте. Ата-әсәләр ризыҡтарҙың тәмле генә тү­гел, файҙалы, дөрөҫ беш­е­релеүе тураһында белде. Улар тәме буйынса аппетитты уятһа, кәрәкле ингредиенттар менән дөрөҫ бешерелеүе сәл­ә­мәтлеккә файҙалы бу­лыуын аңланы. Килеүселәр туҡ­ланыу тураһында анкета ла тултырҙы.
Фәниә Сәлимгәрәева.

Әлфинә Дилмөхәмәтова, Ҡырмыҫҡалы ауылы:
- 2-се һәм 7-се кластарҙа уҡыусы балаларыбыҙ мәктәптәге туҡланыуҙан ҡәнәғәт. Бына үҙебеҙ ҙә тәмләп ҡарағас белдек: бешерелгән ризыҡтар бик тәмле һәм сифатлы. Барлыҡ талаптарға ярашлы бешерелгән аштарҙың үҫеп килеүсе организм өсөн файҙалы ла икәнен аңланыҡ.

Лада Биктимерова, Ҡырмыҫҡалы ауылы:
- Ҡыҙым гимназияла 9-сы класта белем ала. Хәҙерге заман балалары ашауға бик нескәләр, һәр аҙыҡты яратып бармайҙар. Шулай ҙа, ҡыҙыма мәктәптәге туҡланыу бик оҡшай. Ҡайһы берәүҙәр кеүек ашаманым, тип ҡайтҡаны юҡ. Үҙем дә дөрөҫ туҡланыу яҡлымын. Бөгөн мин дә мәктәп уҡыусыларына бирелгән ҡарабойҙай бутҡаһын, тауыҡ кәтлитен, бешкән кишерҙән салатты ашап ҡараным. Бик оҡшаны.