Яңы уҡыу йылына - яңы маҡсаттар менән

- Август – мәктәптәрҙең ад­ми­нистратив-педагогик коллективтары өсөн ҡыҙыу осор. 11 августан 14 авгусҡа тиклем районда дөйөм белем биреү һәм өҫтәмә белем биреү учреждениеларын ҡабул итеү комиссияһы эшләне. Ул 34 белем биреү ойошмаһын: 13 филиалы булған 18 мәктәпте, 4 мәктәпкәсә белем биреү төркөмөн, 6 филиалы менән 10 балалар баҡсаһын, 4 өҫтәмә белем биреү учреждениеһын тикшерҙе. Тикшереүҙәр барышында мәғариф учреж­дение­ларының матди-техник базаһы: туҡланыу блок­тарын­дағы һәм медицина каби­неттарындағы техника ҡорамалдарының төҙөклөгө, уҡыу кабинеттарының, компьютер кластарының махсус йыһаздар менән йыһазлан­дыры­лы­уы, йылылыҡ системаларын әҙерләү, уҡыу һәм ярҙамсы биналарҙы, түбәләрҙе төҙөк­ләндереү тикшерелде. Янғын, терроризмға ҡаршы хәүефһеҙлекте тәьмин итеү буйынса саралар үткәреүгә етди иғтибар бирелде. Муниципаль комиссия йом­ғаҡ­лауы бу­йынса педагогик кол­лек­тивтар балаларҙы барлыҡ са­ни­тар-эпидемиология талап­тарын иҫәпкә алып, ҡабул итергә әҙер.
- Мәктәп тормошоноң эске тәртибе насар эпидемиологик хәл менән бәйле үҙгәрәсәкме?
- Яңы коронавирус инфек­ция­һы таралыу хәүефе һаҡ­лан­ған шарттарҙа уҡытыу барышы Роспотребнадзор сығарған тәҡ­димдәрҙе иҫәпкә алып ойошто­роласаҡ. Мәктәпкә ингән урын­да контактһыҙ термометрҙар яр­ҙамында уҡыусыларҙың да, уҡытыусыларҙың да температу­раһы үлсәнәсәк. Дөйөм белем биреү ойошмаларының педагог­тары һәм хеҙмәткәрҙәре өсөн маска режимын һаҡлау мотлаҡ. Балалар мәктәптә мас­каһыҙ йө­рө­йәсәк, ләкин социаль дистан­ция тотоу мәжбүри буласаҡ. Дә­рестәр 35 минут дауам итәсәк. Уҡыусылар ҡатнашлығында дө­йөм мәктәп саралары үт­кәрел­мәйәсәк, төрлө кластар өсөн дә­рестәр башланыу һәм тамам­ла­ныуҙың “шыуыусы графигы” индереләсәк.

(Дауамын гәзиттән уҡығыҙ)
Светлана Карпова яҙып алды.