Белем усаҡтары шат тауыштарға күмелһен

Әлбиттә, бөгөнгө эпидемиологик хәлдең ҡатмарлы булыуын иҫәпкә алып, санитария ҡағиҙәләрен теүәл үтәү мөһим. Бөтә мәктәптәрҙә дезинфекция үткәре­ләсәк, температураны үлсәү ойошто­ро­ла­саҡ, антисептик саралар һәм шәхси һаҡлау саралары файҙалынасаҡ, ти мәғариф бүлеге вәкилдәре. Ә әлегә йылдағыса дөйөм белем биреү һәм мәктәпкәсә йәштәге балаларға белем биреү учреждениеларының балаларҙы ҡабул итергә әҙерлеген асыҡлау маҡсаты менән биналарҙы тикшереү һәм баһа биреү өсөн ведомство-ара махсус комис­сия эшләй. Уның составындағы мәғариф бүлеге, янғын хәүефһеҙлеген күҙәтеү, эске эштәр бүлектәре хеҙмәт­кәрҙәре вә­кил­дәре һәм муниципаль район хаки­миә­те башлығының социаль мәсьә­лә­ләр бу­йынса урынбаҫары Флизә Макеева бина­ларҙың, уҡыу кабинет­тарының торошон, ашханаларҙың йы­һаз­­ланды­рылыуын, би­ләмәләрҙең, мәк­тәп яны баҡсаларының, спорт майҙансыҡта­ры­ның төҙөклөгөн һәм тейешле талаптарға яраҡлығын тикшерҙе. Улар өс көн буйына өс төркөмгә бүленеп, райондың белем биреү объект­тарын ҡараны. Мәк­тәптәрҙең яңы уҡыу йылына әҙерлеге төҙөкләндереү эштәре менән генә сикләнмәй. Тәү сиратта бала­ларҙың имен­леге мөһим. Шуға ла тикше­реү барышында комиссия ағзалары ғәҙәт­тән тыш хәлдәр, янғын хәүеф­һеҙ­леге, юл хәрәкәте именлеге, туҡланыу, медицина хеҙмәтләндереүе кеүек мәсьә­ләләргә, ғөмүмән, балалар­ҙың уңайлы шарт­тарҙа белем алыуына айырым иғтибар бирҙе.

(Дауамын гәзиттән уҡығыҙ).

Фирүзә РӘХМӘТУЛЛИНА.
Автор фотолары.