Даирә
-24 °С
Болотло
75 лет Победы
Бөтә яңылыҡтар
Мәктәптәрҙә
14 Август 2020, 13:55

Белем усаҡтары шат тауыштарға күмелһен

Яңы уҡыу йылы башланыуға һанаулы ғына көндәр ҡалды. Балалар йәйге каникулдың һуңғы көндәрен күңелле итеп үткәрергә тырышһа, уҡытыусылар уларҙы яҡты, матур мәктәптәрҙә ҡаршы алыр өсөн бөтә тырышлыҡтарын һалып, белем усаҡтарын тәртипкә килтереү менән мәшғүл. Яңы уҡыу йылын балалар һәм ата-әсәләр айырым тулҡынланыу менән көтә, сөнки коронавирус инфекцияһы таралыу сәбәпле, уҙған миҙгелдең һуңғы сирегендә дистанцион уҡыуға күсергә мәжбүр булыу улар һәм уҡытыусылар өсөн дә ҡаты һынау булды.

Әлбиттә, бөгөнгө эпидемиологик хәлдең ҡатмарлы булыуын иҫәпкә алып, санитария ҡағиҙәләрен теүәл үтәү мөһим. Бөтә мәктәптәрҙә дезинфекция үткәре­ләсәк, температураны үлсәү ойошто­ро­ла­саҡ, антисептик саралар һәм шәхси һаҡлау саралары файҙалынасаҡ, ти мәғариф бүлеге вәкилдәре. Ә әлегә йылдағыса дөйөм белем биреү һәм мәктәпкәсә йәштәге балаларға белем биреү учреждениеларының балаларҙы ҡабул итергә әҙерлеген асыҡлау маҡсаты менән биналарҙы тикшереү һәм баһа биреү өсөн ведомство-ара махсус комис­сия эшләй. Уның составындағы мәғариф бүлеге, янғын хәүефһеҙлеген күҙәтеү, эске эштәр бүлектәре хеҙмәт­кәрҙәре вә­кил­дәре һәм муниципаль район хаки­миә­те башлығының социаль мәсьә­лә­ләр бу­йынса урынбаҫары Флизә Макеева бина­ларҙың, уҡыу кабинет­тарының торошон, ашханаларҙың йы­һаз­­ланды­рылыуын, би­ләмәләрҙең, мәк­тәп яны баҡсаларының, спорт майҙансыҡта­ры­ның төҙөклөгөн һәм тейешле талаптарға яраҡлығын тикшерҙе. Улар өс көн буйына өс төркөмгә бүленеп, райондың белем биреү объект­тарын ҡараны. Мәк­тәптәрҙең яңы уҡыу йылына әҙерлеге төҙөкләндереү эштәре менән генә сикләнмәй. Тәү сиратта бала­ларҙың имен­леге мөһим. Шуға ла тикше­реү барышында комиссия ағзалары ғәҙәт­тән тыш хәлдәр, янғын хәүеф­һеҙ­леге, юл хәрәкәте именлеге, туҡланыу, медицина хеҙмәтләндереүе кеүек мәсьә­ләләргә, ғөмүмән, балалар­ҙың уңайлы шарт­тарҙа белем алыуына айырым иғтибар бирҙе.
(Дауамын гәзиттән уҡығыҙ).
Фирүзә РӘХМӘТУЛЛИНА.
Автор фотолары.
Читайте нас в