Юлдарығыҙ һәр саҡ имен булһын!

Зөлфиә АҠБАШЕВА, Атйетәр ауылы:

- Тәүҙә ИЖ Планета мотоциклында елдереп йөрөнөм. Машинаға ултырыуыма 12 йыл. Машинамды бик яратам һәм мине ҡайҙа теләйем шунда йөрөткәне өсөн уға ихлас рәхәмтлемен. Йәш олоғая барған һайын, машинаның ныҡ кәрәкле икәнен тағы ла нығыраҡ аңлай башлайһың. Бигерәк тә беҙҙең кеүек ауыл ерендә көн итеүселәргә машина бик кәрәк. Ҡала ерендәге һымаҡ минут һайын автобустар йөрөп тормай, ҡайҙа барам тиһәң дә ана шул автомобилһеҙ булмай. Шуға күрә бик күп ҡатын-ҡыҙҙарға үҙҙәренә руль артына ултырырға тура килде.