Финанстар “романс” йырламаһын

Бөтә Рәсәй бу­йын­са үткән “Туп­лан­малар аҙ­наһы” аҙналығы “Фи­нанс­тар менән дуҫ­лаш” тип аталған мини-фестиваль ме­нән тамам­ланды. Ун­да төрлө өлкә вәкил­дәре ҡатнашты.
Район Мәҙәниәт һа­ра­йында уҙған са­рала биш команда йыйылды. Улар ике сәғәт эсендә шаян да, етди ҙә финанс мәсьә­лә­ләргә яуап бирҙеләр. Фи­нанс грамо­талылығы оҫта­лары исеменә лайыҡ булыу өсөн волон­терҙар, спортсы­лар, район уҡытыусылары, “Бер-бере­беҙгә беҙ кәрәкбеҙ” клубы ағзалары, күп профилле кол­­ледж студенттары кө­рәште.
Етди алыштарҙан һуң Балалар һәм үҫмерҙәр спорт мәктәбенең “Мажорҙар” командаһы еңеүсе тип бил­дәләнде. Уҡытыусылар һәм “Рассвет” халыҡты со­циаль хеҙмәтләндереү үҙә­генең оло йәштәгеләр клубы ла еңеүселәр дипломдарын алды.
Мәктәп уҡыусылары һәм балалар баҡсалары тәр­биәләнеүселәре был аҙна­лыҡ сиктәрендә инша­лар, ҡул эштәре һәм һү­рәттәр конкурсында ҡат­нашты.
Балалар уға ҙур яуап­лы­лыҡ һәм фантазия менән ҡараған. Конкурста иғлан ителгән тема, әлбиттә, аҡ­саға ҡағылышлы булды. Ойош­тороу­сыларҙы ба­ла­лар уны алыҫ киләсәктә нисек күҙал­лау­ҙары ҡыҙыҡ­һын­дырҙы. Еңеү Сихонкин ауылынан 4 класс уҡыу­сыһы Мария Әбдел­ғәниеваға эләк­те. Зәңгәр фонда элект­рон янсыҡтан сығып торған ҡулдар са­раның символы булды. Тех­ник прогресҡа ки­ләбеҙме, юҡмы, уныһы мөһим тү­гел… Иң мөһиме, күпме аҡ­саң булһа ла, кешене кеше иткән сифаттар юғалмаһын.
Илһам Зарипов.