Хыялым – изге һөнәр һайлау

Лилиә Хәсәнова, 17 йәш, Ҡустығол ауылы:

- Мин көҙ айында, Үлсәү йондоҙлоғо аҫтында ғаиләлә икенсе бала булып донъяға килгәнмен. Ғаиләлә өс бала үҫәбеҙ - ике ағайым бар. Шә­рипҡол мәктәбенең 11-се класында ты­рышып уҡыйым, бигерәк тә иң ярат­ҡан­дарым тип математика, әҙәбиәт, биология һәм йәмғиәтте өйрәнеү дәрестәрен һанайым. Район музыка һәм сәнғәт мәктәбенең ҡурай түңәрәгендә ике йыл шөғөлләнәм, шулай уҡ бәләкәй саҡтан уҡ бейергә яратам. Ә спорттың баскетбол төрө күңелемә яҡын. Төрлө бәйгеләрҙә, олимпиа­даларҙа ҡат­нашам. Яңыраҡ ҡына Баш­ҡортостан Рес­публи­каһының 100 йыллығына арналған “Башҡорт мозаикаһы” Бөтә Рәсәй фес­тивалендә 1-се урын яуланым. Йәмәғәт тор­мошонда ҡайнау оҡшай. Ҡыйыу холоҡ­ломон, аралашыусанмын. Дуҫтарым күп, Рәсәйҙең төрлө төбәк­тә­рендәге йәш­тәш­тәрем менән хәбәрләшеп торабыҙ. Балаларҙы бик яратам. Шуға ла хыялым - киләсәктә балалар табибы булыу.