Йорттар буйлап йөрөйбөҙ

Һайлау - 2024

Йорттар буйлап йөрөйбөҙ

17 февралдән алып Башҡортостанда Рәсәй Үҙәк һайлау комиссияһының “Инфор­мУИК” проекты буйынса беҙ, йәғни һайлау комиссиялары ағзалары, халыҡҡа Рәсәй Федерацияһы Президентын һайлау тураһында мәғлүмәт биреү өсөн йорттар буйлап йөрөй башланыҡ.

Һайлау алдынан бындай «иҫәп алы­у»ҙың төп бурысы – йәшәү урындарында теркәлеүселәр исемлегенә аныҡлыҡ инде­реү, һайлаусыларыбыҙға ниндәй ысулдар менән тауыш биреү мөмкинлеге хаҡында һөйләү, өйҙә тауыш биреүгә ғариза ҡабул итеү һәм һорауҙарға яуап биреү.

2279-сы һанлы һайлау участкаһы ко­миссияһы ағзалары булараҡ, беҙ ошо көн­дәрҙә Малай ауылында йорттар буйлап йөрөнөк.

Ауылдың иң әүҙем һайлаусы ғаиләләре­нең береһе булған Юламановтарҙың өйөнә лә килдек. Йорт хужаларының икеһе лә хаҡлы ялда, 70 йәштән уҙғандар. 37 йыл ме­ханизатор булып эшләгән Сәлих Ибәтулла улы һәм шулай уҡ 30 йылдан артыҡ стаж менән хаҡлы ялға сыҡҡан Рәйсә Әхтәм ҡыҙы дүрт ул тәрбиәләп үҫтереп, оло тор­мош юлына сығарған. Уларҙың балала­ры һәм ейән-ейәнсәрҙәре ял көндәрендә тыуған йорттарына ҡайтып, ата-әсәһенә ярҙам итә.

Һайлау комиссияһы ағзаһы Хәниә Тәлғәт ҡыҙы Ҡоҙаҡаева менән бергәлә­шеп, Юламановтарға һәм шулай уҡ башҡа ғаиләләргә Рәсәй Президентын һайлау ту­раһында һөйләнек, баҫма мәғлүмәт мате­риалдары таратып сыҡтыҡ.

Бар һайлаусыларыбыҙҙы ла һайлау көнөндә һайлау участкаларында көтөп ҡа­лабыҙ!

Нәркәс ҠОҘАҠАЕВА.

Малай ауылы.