Даирә
-17 °С
Болотло
75 лет Победы
Бөтә яңылыҡтар
Кеше һәм хоҡуҡ
29 Декабрь 2020, 15:38

Хеҙмәт бәхәстәре килеп сыҡһа...

Рәсәй Федерацияһы Хеҙмәт кодексының 392-се статьяһы буйынса, шәхси хеҙмәт бәхәстәр килеп сыҡҡан осраҡта, хеҙмәткәр был турала белһә йәиһә белергә тейеш булған көндән алып 3 ай эсендә судҡа мөрәжәғәт итә ала.

Эштән сығарыу буйынса бә­хәстәр өсөн шарттар башҡараҡ. Хеҙмәткәргә эштән бушатыу йәиһә хеҙмәт кенәгәһен алыу тураһында бойороҡтоң күсер­мәһен биргәндән һуң – 1 ай, ә хеҙмәт хаҡын һәм башҡа тү­ләүҙәрҙе түләмәү йәиһә тулы­һын­са түләмәү тураһында бәхәс булғанда был сумма түләнергә тейеш ваҡыттан алып бер йыл эсендә мөрәжәғәт итергә мөмкин.
Эштән сыҡҡанда суд хеҙмәт хоҡуҡ­тары боҙолоу фактын билдәләгәнгәндә, хеҙмәткәрҙең талабы буйынса уның фай­ҙаһына әхлаҡи зыянды компен­сациялау ҡарары сығарылырға мөмкин. Шулай уҡ хеҙмәт хоҡуҡтары факты боҙолоуы асыҡланһа, суд ҡарары законлы көсөнә ингәндән һуң да аталған компенсация түләттерелеүе ихтимал. Шул уҡ ваҡытта әхлаҡи зыянды ком­пенсациялау - ул граж­дандарҙың хоҡуҡтарын яҡлауҙың үҙ аллы ысулы. Шуға күрә, әгәр ҙә граж­дан үҙ аллы ғариза бирһә, үрҙә әйтелгән сроктар ҡулланылмай.
Рәсәй Федерацияһы Граж­данлыҡ-процессуаль кодек­сы­ның 45 статьяһы 1-се өлөшө буйынса, граждандар сәләмәт­лек­тәре, йәштәре, эшкә һәләтһеҙ булыуҙары һәм башҡа нигеҙле сәбәптәр буйынса судҡа мөрә­жәғәт итә алмаһа, граждан­дарҙың хоҡуҡтарын, азат­лыҡтарын һәм законлы ҡыҙыҡһыныуҙарын яҡлау өсөн судҡа мөрәжәғәт итеү хоҡуғы прокурорға тәҡдим ителә. Шулай, граждандарҙың хеҙ­мәт хоҡуҡтары боҙолған осраҡта, улар Хеҙ­мәт дәүләт инспекцияһы органдарына һәм прокуратураға мөрәжәғәт итергә хоҡуҡлы.
Тимур Мөхәмәтов, район прокурорының өлкән ярҙамсыһы.
Читайте нас в