Даирә
-24 °С
Болотло
75 лет Победы
Бөтә яңылыҡтар
Кеше һәм хоҡуҡ
26 Август 2020, 11:35

Ҡырымда юғалған яҡташыбыҙ табылған

Алдан хәбәр итеүебеҙсә, Башҡортостандан өләсәһе менән ял итергә барған 16 йәшлек ҡыҙ Саки ҡалаһындағы ҡуртымға алынған йорттан 21 августан сығып китеп, кире әйләнеп ҡайтмауы тураһында хәбәр иткәйнек. Ҡырымдың Тәфтиш комитеты матбуғат хеҙмәте белдереүенсә, яҡташыбыҙҙы эҙләргә полиция хеҙмәткәрҙәре һәм ирекмәндәр йәлеп ителгән. Улар Ҡырым ярымутрауын бер нисә көн буйы арҡыры-буйына эҙләгән. Һөҙөмтәлә, юғалған ҡыҙ табылды.

"Ҡыҙ имен-һау, уның һаулығына бер нәмә лә янамай", - тип яуап бирҙе журналистар менән осрашыуында Ҡырым Республикаһы һәм Севастополь ҡалаһы буйынса Рәсәй Тәфтиш комитетының бүлек рәйесе Ольга Постнова.
Нисек кенә булмаһын, яҡташыбыҙҙың иҫән-һау булыуы ҡыуандыра, ни өсөн оҙаҡ ваҡыт өләсәһе менән бәйләнешкә сыҡмауы уныһы инде ғаиләнең шәхси эшенә ҡайтып ҡалалыр, моғайын.
Фото: Ҡырым Республикаһы һәм Севастополь ҡалаһы буйынса Рәсәй Тәфтиш комитетының матбуғат хеҙмәте.

Автор: Карима Усманова.
Читайте нас в