Хеҙмәт хоҡуҡтарын боҙған өсөн

Район прокуратураһы урында йә­шәүсе ҡатын мөрәжәғәте бу­йынса хеҙмәт законын үтәүҙе тикшерҙе. Тикшереү һөҙөмтәһендә асыҡланы­уынса, был ҡатын 2019 йылдың 5 майынан 2020 йылдың 14 майына тиклем ауыл коопера­тивында йыйыш­тырыусы булып эшләгән. Хеҙмәткәрҙе эштән сы­ғарғанда шуныһы асыҡлана, хеҙмәт килешеүе рәсмиләштерелмәгән була, эшкә ҡабул итеү тураһында яҙма юҡ, Пенсия фондына тейешле сумма күсерелмәгән.
Тикшереү үткәреү ваҡытында тағы ла ошондай оҡшаш факт асыҡлана. Ошо уҡ ауыл ко­опера­тивында хеҙмәт итеүсе хеҙмәт мөнә­сәбәттәрен рәс­миләш­термәйенсә ярымфа­брикаттар әүәләүсе вази­фаһын башҡарған.
Асыҡланған закон боҙоуға бәйле прокуратура тарафынан ойошма ди­ректорына ҡарата Рәсәй Федера­цияһының Административ хоҡуҡ боҙоуҙар тураһындағы кодекстың 5.27 статьяһының 4-се бүлегендә (“Хеҙмәт килешеүен рәсмиләш­тереүҙән баш тартыу”) ҡаралған ад­министратив хоҡуҡ боҙоуҙар тура­һын­да эш ҡуҙға­тылды. Шулай уҡ уға ҡарата етеш­һеҙлектәрҙе бөтөрөү тураһында ҡарар сығарылды.
Хеҙмәт дәүләт инспекцияһы тарафынан кооператив етәксеһенә 20 мең һум административ штраф һалына. Етешһеҙлектәрҙе бөтөрөү район прокуратураһы контролендә.
Алексей ПЕТРОВ,
район прокуроры вазифаһын башҡарыусы.