Боҙ аҫтына төшөп киткән

Кисә Шаран районында балыҡсы батып үлгән. Түбәнге Зәйет ауылында 45 йәшлек ир яҡындағы күлгә балыҡҡа барған һәм боҙ аҫтына төшөп киткән. Шаһиттар уға ярҙамға ташланған, әммә балыҡсы һыу төбөнә төшкән.

Һуңыраҡ Башҡортостандың Ғәҙәттән тыш хәлдәр буйынса дәүләт комитетының Туймазы районы буйынса идаралығы ҡотҡарыусылары ирҙең кәүҙәһен күлдән сығарған. Ваҡиға урынында тикшереү бара.

Көҙгө боҙ көҙгө ҡалынлығындай булһа ла ышан, яҙғы боҙ яҫтыҡ ҡалынлығындай булһа ла ышанма, тигән халыҡ та. Балыҡ тип ғүмерегеҙҙе әрәм итмәгеҙ, балыҡсылар! Балыҡ булыр ул, ә ғүмер юҡ...

Фото: "Башинформ"