Мәскәүҙәге теракттан һуң һәр төрлө шикле кешеләр әүҙемләште. Ватсап, телеграм-каналдарға күпләп енәйәтсел тәҡдимдәр килә башланы. Айырыуса балаларға һәм үҫмерҙәргә яҙалар.
Мәҫәлән, Ейәнсура кешеһенән тәүҙә ҡайҙа йәшәүен һорашалар. Ул "Ейәнсура, Инәк" тип яуап бирә. Артабан уға тәҡдим була: "Һеҙҙә сауҙа үҙәктәре, театр, кинотеатрҙар бармы? Уларҙа халыҡты атырға кәрәк. 700 мең һум түләйбеҙ. Ҡоралды үҙебеҙ бирәбеҙ. Ырымбурға килә алаһығыҙмы?" Йәки Ҡырмыҫҡалы кешеһенә яҙалар: "Өс миллион һум түләйбеҙ, әгәр гимназияла атыш ойошторһаң..." Туймазыла ошондай уҡ енәйәт өсөн 800 мең һум түләргә вәғәҙәләйҙәр.
Һаҡ булығыҙ! Бындай хәбәрҙәргә яуап бирмәгеҙ, хоҡуҡ һаҡлаусыларға мөрәжәғәт итегеҙ. Онотмағыҙ: терроризм өсөн ғүмерлеккәсә иректән мәхрүм итеү язаһы ҡаралған.
Нәсих Хәлисов фотоһы.
https://bashgazet.ru/articles/kh-ef-e-lek/2024-03-27/e-sau-a-kt-re-kinoteatr-ar-barmy-atysh-oyoshtor-a-700-me-um-t-l-ybe-3701573