“Иғтибар, балалар!”

Уҡыуҙың тәүге көндәрендә мәғариф ойошмаларында педагогтар беҙҙең хеҙмәткәрҙәр менән балалар менән бергә әңгәмәләр, конкурстар, юл хәрәкәте ҡағиҙәләре буйынса викториналар ойоштора.
Дәүләт автоинспекция хеҙмәткәрҙәре йәш юл хәрәкәтендә ҡатнашыусыларҙың хәүефһеҙлеген тәьмин итеү буйынса аңлатыу һәм пропрофилактикалау эштәрен тәьмин итеү генә түгел, шулай уҡ бәлиғ булмағандар һәм уларҙың ата-әсәләренең юл хәрәкәте ҡағиҙәләрен боҙоуын туҡтата. Сараларҙы уҙғарған осорҙа юл патруль хеҙмәте экипаждары мәғариф учреждениеларына яҡын торасаҡ.
Йәй көндәрендә үк ЮХХДИ хеҙмәткәрҙәре ведомство-ара комиссия составында урам-юл селтәренең, йәйәүлеләр үткәүелдәре хәленең файҙаланыуға яраҡлығын, мәғариф ойошмалары янындағы юл хәрәкәтен ойоштороуҙы, мәктәп автобустарының техник торошон тикшерә башланы. Айырым иғтибар профилактик эште ойоштороуға, шул иҫәптә юл хәрәкәте хәүефһеҙлеге паспорттары, уҡыу йортонда юл хәрәкәте ҡағиҙәләре буйынса шөғөлләнеү өсөн мөйөштәр һәм майҙансыҡтар булыуына бирелә.
Хөрмәтле ата-әсәләр, йәйге каникулдарҙың аҙағына һанаулы ғына көндәр ҡалды. Беҙҙең сводкаларҙа көн һайын балалар ҡатнашлығында юл-транспорт ваҡиғалары була. Улар пассажир булып, йәйәү йәиһә автомототранспорт руле артында төрлө имгәнеүҙәр ала. Ағымдағы ете айы эсендә генә республика юлдарында улар ҡатнашлығында 300 юл-транспорт ваҡиғаһы теркәлә. Уларҙа 4 бәлиғ булмаған бала вафат була һәм 329 бала төрлө ауыр кимәлдәге йәрәхәттәр ала.
Һеҙгә тағы ла мөрәжәғәт итәм: балаларығыҙға урамдарҙа һәм юлдарҙа хәүефһеҙлек буйынса ябай ҡағиҙәләрҙе үтәүҙәрен иҫтәренә төшөрөгөҙ, сөнки улар оҙайлы каникулдарҙан һуң йыш ҡына үҙҙәрен ҡала урамдарында нисек тоторға икәндәрен онота. Хәүефһеҙерәк юл маршруттары тураһында һөйләшегеҙ. Юлдарҙағы мәҙәнилек бала саҡтан тәрбиәләнергә тейеш, һәм һәр юлда йөрөүсе үҙенең яуаплылығын тойорға тейеш.
Наталья Дударева, ЮХХДИ-ның пропаганда буйынса инспекторы, полиция капитаны.