Биш миллион һум аҡсаһынан "елдәр" иҫкән

Күпме иҫкәртеүҙәргә ҡарамаҫтан, халыҡ һаман булһа мутлашыусылар ҡорбанына әйләнеүен дауам итә. Был юлы Илеш районында йәшәгән 50 йәшлек ир биш миллиондан ашыу аҡсаһынан ҡолаҡ ҡаҡҡан. Уға ялған "банк хеҙмәткәре" шылтыратып, муттарҙың уның исеменә кредит алырға маташыуы хаҡында хәбәр итә. Тиҙ ышаныусан ирҙе албырғатып, "банк хеҙмәткәре" уны кредит алырға һәм аҡсаны "ышаныслы иҫәптәргә" күсерергә күндергән. Аҡса күсерелгәс тә, мутлашыусы менән бәйләнеш өҙөлә. Шул мәлдә пенсионер ир үҙенең алданыуын аңлай, әммә һуң була шул...